CHARLA DOS AXENTES MEDIOAMBIENTAIS DE COTOBADE

Menudo mes de abril levams o alumnado de cuarto! Empezamos cos obradoiros de alfombras florais , continuamos co teatro en inglés,  a celebración do día do autismo, a  semana da forita, o día do libro  e, por sorpresa, o pasado 24 de abril, aparécennos na escola.

OS AXENTES MEDIOAMBIENTAIS DE COTOBADE

Estos amables cabaleiros, son os membros dunha brigada que coida os nosos montes e que cando se producen os incendio arriscan a súa vida para salvar á fauna, a flora, as casas e a vida dos veciños.

Foron case 2 horas falando con nós. Fixémoslle infinidade de preguntas e  todas foron respondidas cunha paciencia infinita, polo que non podemos estar máis que agradecidos e agradecidas.

Contáronos que a súa e unha profesión de vocación e o seu principal motor e o seu amor pola natureza. enterámonos que é o seu humano quen intencionalmente o por descuido provoca máis do 90% dos incendios. Explicáronnos cales son as causas, cales as consecuencias e como podemos previlos.

Tamén soubemos como se organizan, o importante que é O TRABALLO COOPERATIVO. 

Ensináronnos que eran os EPIs (equipos de protección individual), ...

Ao final da mañá saímos a ver os camións s de bombeiros, e deixáronnos manipular as mangueiras.

No seguinte vídeo podedes ver unha galería de imaxes. 

DÍA DO LIBRO

Como cada 23 de abril o noso colexio sumouse a celebración do día do libro: 
En todas as aulas leuse o manifesto, que este ano foi  elaborado polo poeta e narrador galego 

FRAN ALONSO

 no que nun tono claramente irónico, anima ao alumnado a ler.

Asemade organizouse no BIBLIOCASTELO unha exposición de LIBROS DE RECEITAS, que foron traídos polo alumnado do centro e  que foi un auténtico éxito.

 Dende estas páxinas AGRADECER  ás familias a súa participación!

 A profe Lina, presentounos a exposición, e leunos algunha receita ou curiosidade dalgún dos exemplares:

FROITA NA ESCOLA

Como todos sabedes, o noso colexio atópase inmerso este curso nun proxecto sobre alimentación. Pois ben, a Consellería de Educación da Xunta de Galicia ofrece ás escolas o programa ALIMÉNTATE BEN, polo  que  envían aos centros educativos  froita fresca e gratuita. Os nosos profes non dubidaron en solicitalo.

Durante dúas semanas todo o alumnado do colexio A Pedra recibimos  nas aulas froita fresca variada:

Foi unha experiencia moi enriquecedora porque algúns de nós non probaramos nunca a piña. Outros dicían que non lles gustaba por exemplo a mazá pero ao ver que os nosos compañeiros e compañeiras a tomaban non querían ser menos. 

Lembramos que a froita é unha fonte imprescindible de vitaminas, minerais e fibra. 

TEATRO EN INGLÉS

O pasado venres, 13 de abril, todo o alumnado do cole baixamos ao Centro Social do Mar para ver unha obra de teatro en inglés.

Primeiro foi a quenda de primeiro, segundo e terceiro de primaria. a través das STORYTELLERS, metémonos no mundo de diversas historias, contadas dun xeito moi divertido.

O mellor de todo foi cando algún dos noso compañeiros subiron ao escenario e participaron activamente na representación.

Despois tocounos aos de cuarto, quinto e sexto ver MYTHS AND LEGENDS GO WRONG. Como se pode deducir tratou o tema de diversas lendas, como o Monstro do lago Ness ou Troia, pero cun toque moi peculiar de humor. 

Ao igual que pasou no primeiro pase, nós tamén puidemos saír ao escenario:

LEMBRAMOS O AUTISMO NA ESCOLA

O pasado venres, 6 de abril, o Colexio A Pedra, uniuse a outros centros do Morrazo, para facer que facer visible O AUTISMO , que afecta a un de cada 150 persoas no mundo.
A idea era ler un manifesto no patio, estando todo o alumnado reunido, para darlle aio solemnidade, pero unha vez máis o mal tempo non o permitiu.
Fixémola dentro das aulas e aproveitamos para ler un libro e ver uns vídeos que nos fixeron comprender mellor a estas persoas e as súas familias.

Despois con paraugas saímos a colocar globos azuis nas ventás como fixeron todas as ailas do cole.

OBRADOIRO DE ALFOMBRAS FLORAIS

O alumnado de cuarto comezamos moi ben o terceiro trimestre do curso, pois cando só levabamos 3 días nas aulas  recibimos a visita de varios compoñentes da asociación de alfombristas de Bueu.
Primeiro Rafa dounos unha charla na que nos mostrou, por un lado a traxectoria da asociación durante este último ano e por outro nos fixo a proposta para que o noso centro participara activamente na próxima celebración do Corpus en Bueu.

Contounos que a Deputación de Pontevedra, nomeou 2018 como ano da lingua, e que lles gustaría que decoráramos unhas letraS para facer un poema, unha cantiga, un dito ...  en galego.Despois de comprometernos a facelo ...

 CHEGOU O MÁIS INTERESANTE!

Coa axuda de Rosa, Chefi, Mari, Ataulfo e Rafa realizamos unhas preciosas alfombras de 

OS BOLECHAS

No seguinte vídeo poderedes comprobar o ben que o pasamos e as obras de arte que fixemos:

DESPEDIDA DA PROFE TANIA

O venres 13 de abril, despedimos con gran pena á profe Tania, coa que vivimos momentos enesquecibles facendo un

 OBRADOIRO DE HABILIDADES SOCIAIS.

Dexesámoste toda a sorte do mundo e que algún día podas regresar a este cole, non como profe de prácticas, senón como unha mestra máis.

GRAZAS POLAS PALOMITAS E O LAPIS!

PROXECTOS DE CIENCIAS 3º

Este 2º trimestre nas aulas de 3º realizamos dous proxectos. En Ciencias Naturais por unha banda 3ºA realizou un POWER POINT e 3ºB un SWAY. O tema a tratar eran os animais, por parellas escolleron un animal e indagaron sobre todas as súas funcións e curiosidades. Sin dúbida é unha forma moi divertida para aprender porque partimos da súa motivación para traballar coas novas tecnoloxías ao mesmo tempo que buscan, len, seleccionan e resumen a información máis relevante. 
Fixeron uns traballos incríbles e aprendemos todos de todos!


 Por outra banda en Ciencias Socias decidimos estudar a fondo o noso concello de Bueu, polo que elaboramos entre todos un gran mural e ao mesmo tempo fixemos o noso primeiro Lapbook. 
Empezamos por equipos buscando a información máis relevante, situación no mapa, comarca, provincia, praias, festas, parroquias,  lugares de interese...despois indagamos sobre o equipo de goberno e as súas funcións. Esto último era máis difícil polo que a modo de puzle tiveron que averiar as funcións de cada concelleiro ou concelleira, o resultado de todos os equipos foi estupendo porque acertaron á primeira.

Mural sobre Bueu

 

LAPBOOK SOBRE BUEU

 E para afianzar o que aprendemos que mellor maneira de expoñer o noso traballo a outros nenos, ao mesmo tempo que traballamos a expresión oral, esa que tanto custa e a moitos tanta vergoña lles dá. 
O alumno de 2º tamén estivo traballando sobre o concello de Bueu, polo que tamén sabían moito pero viñeron as aulas de 3º para aprender un pouquiño máis sobre o seu pobo.

 A nosa derradeira actividade foi facer unha enquisa, e a quen ía ser? Pois a nosa compañeira e concelleira Macu. Foron moitos os que se sorprenderon ao mirar a súa foto no equipo de goberno do noso concello.
Por equipos redactaron varias preguntas e despois entre todos elaboramos unha completísima enquisa para coñecer unha pouco máis a Macu.

E así pechamos este gran traballo realizado por todo o alumnado de 3º. 
Moitas grazas Macu por atendernos e dedicarnos un pouquiño do teu valioso tempo.

BO TRABALLO RAPACES E RAPAZAS!