Dentro do proxecto de alimentación que o alumnado de terceiro levaron a cabo este primeiro mes de xaneiro, fixeron un experimento para saber que alimentos levan máis graxa. Estaban moi nerviosos porque ademais ían inugurar a nova aula de ciencias. Primeiro seleccionaron unha serie de alimentos: Queixo, augacate, pan, mazá, iogurt, manteiga, leituga, ...
Despois sobre un folio, ían manchando co alimento elixido:
Finalmente colocamos os folios nas ventás das nosas clases.
Ao día seguinte comprobamos que increíblemente o queixo ten moitísima graxa. Tamén observamos que o aguacate tamén contén moitísima pero as profes nos explicaron que ao ser graxa vexetal era máis saudable e que o podiamos usar perfectamente como fonte de enerxía.
En Ciencias Naturais, non podiamos pasar por alto, o PDI deste ano no colexio:
" A ALIMENTACIÓN".
Xa fora un tema tratado no curso anterior, así que empezamos por repasar a Pirámide Alimenticia e os contidos que nos transmitía. Aproveitamos unha dinámica de traballo cooperativo o folio xiratorio e a transformamos nun texto expositivo. O mesmo aconteceu coa Roda dos alimentos.
Volvemos pasar ao noso vocabulario consciente, termos de nutrientes (vitaminas, proteínas, hidratos de carbono, minerais, graxas, ...), grupos de alimentos (enerxéticos, reguladores ou construtores), ...
Pero este ano centrámonos máis nunha dietasaudable. Quixemos coñecer neste trimestre as enfermidades que están relacionadas coa inxesta de alimentos. Patoloxías producidas por carencias de vitaminas, como podía ser o raquitismo, o bocio, a avitaminose B12, o escorbuto. Outras por sintentizar mal os nutrientes como son as alerxias a lactosa ao ovo ou ao gluten, ou a diabetes. Enfermidades máis coñecidas como a gastroenterite, ou outras tan actuais como a bulimia, a anorexia ou a obesidade.
Este foi o noso guión:
Cada alumno ou alumna elixiu unha enfermidade e elaborou un texto, que podía vir acompañado ou non, á hora de ser exposto, por un power point. O obxectivo era elaborar un libro con todo.
Houbo moita variedade e aprendemos moito con enfermidades como a anorexia ou a bulimia, pero tamén chamou moito a nosa atención a enfermidade das vacas tolas, ou a provocada pola bacteria anisakis. Sorprendeunos o raquitismo, a toxoplasmose, ...
Estas son algunhas das presentacións que se fixeron:
Uxía Gil expuxo un traballo impecable sobre a diabetes:
Aroha, sorprendeunos cun impresionante relato sobre a anorexia nerviosa, e cunhas durísimas imaxes sobre esta patoloxía que afecta a moitas adolescentes do mundo desenvolvido neste século:
Tamén queda a xeito de exemplo a magnífica exposición que Hugo fixo sobre a enfermidade provocada pola bacteria anisakis:
Inés conseguiu que, primeiro o seus compañeiros e compañeiras, e despois, o alumnado de segundo mantivesen atención plena, pois o que lles contaba sobre o raquitismo era moi interesante.
No terceiro trimestre temos intención de continuar co este proxecto, centrándonos máis no etiquetado, no tipo de dietas e nas receitas.
O segundo trimestre do curso estivo dedicado na aula de 4ºA a coñecer a xeografía primeiro da nsa comunidade autónoma "Galicia" e despois de España. Elaboramos primeiro entre todos mapas de Galicia.
Como foi moi fácil saber cales eran as provincias e as capitais pronto quixemos saber que outras comarcas ademais da nosa,
O MORRAZO, había en Galicia. Interesámonos especialmente polas que podían ter que ver algo con nós ou con algunha profe do cole, .... Terminamos facendo unha lista de 12 comarcas galegas e puxémonos a investigar sobre elas por parellas.
Rematamos o trimestre coñecendo o mapa de España. Ademais de traballar o mapa en formato papel, tamén o fixemos en formato dixital con mapas interactivos. O máis divertido foi elaborar nós mesmos o mapas e facer diversos xogos, coas comarcas de Galicia, coas provincias de España e con monumentos e lugares de interese turístico.
O alumnado de 4ºA está, neste trimestre, inmerso nun proxecto de xeografía. Esta presentación é un bo recurso para repasar lugares de España que lles gustaría visitar.
Seguindo coa dinámica da aprendizaxe por proxectos, o alumnado de cuarto realizamos o pasado trimestre un bonito traballo de investigación sobre METEOROLOXÍA. Todo xurdíu tras a visita que o alumnado de quinto nos fixo para entregarnos a caixa das meteoescolas:
Dende ese momneto comezamos a traballar. Cada día iamos visitar a caseta meteorolóxica:
Cos datos recollidos fomos elaborando o climograma de Bueu do mes de novembro.
Queriamos saber máis. Volvemos repartirnos en equipos e cada un realizou a súa parte:
Tempo atmosférico e elementos que o determinan.
Predición de tempo atmosférico e aparatos que se utilizan.
Clima. Factores que o determinan e tipos.
Cambio climático. Causas e consecuencias.
Fenómenos atmosféricos adversos.
Fenómenos atmosféricos misteriosos.
Comezamos a buscar información nos libros da biblioteca escolar ou nos traiamos da casa. Internet tamén foi de gran axuda así que as visitas á aula de informática foron asiduas.
Aprendemos un montón e tivemos que compartir todos os nosos coñecementos cos nosos compañeiros.
Tempo atmosférico e elementos que o determinan.
2-Predición de tempo atmosférico e aparatos que se utilizan.
3- Clima. Factores que o determinan e tipos.
4- Cambio climático. Causas e consecuencias
5- Femómenos atmoféricos adversos.
6- Fenómenos atmosféricos misteriosos:
Aplicamos o aprendido para facer ,de xeito, conxunto un comentario sbre o climograma de Bueu. Este foi o resultado das nosas conclusións.
Asemade, cada equipo investigou o tempo atmosférico dunha cidade , facendo tamén un comentario final.