CABO UDRA

Que sorte temos!

Vivimos no lugar máis bonito do mundo!
Os nenos e nenas do 2º ciclo tivemos a sorte de ir o pasado venres, 6 de maio, a Cabo Udra. Pasamos unha xornada estupenda,gozando das fermosas vistas e aprendendo ademais moitas cousas da fauna, da flora e incluso da historia grazas a guía que nos proporcionou o concello.

Sobran as palabras. Mirade que fotos máis bonitas!

2º CORRELINGUA DO MORRAZO

O pasado 4 de maio a vila de Bueu volveu a encherse de ledicia ao ser ocupado por mais dun millar de nenos e nenas de diferentes colexios da nosa comarca. A ocasión o merecía, celebrábase o segundo correlingua do Morrazo, outra vez no noso concello.
O Alumnado e o profesorado colexio “ A Pedra acudiu en pleno, vestidos todos con camisetas brancas, previamente decoradas nas aulas con fermosas palabras en galego.
Andoriñas, xoaniñas, agarimos, ardentías, sorrisos, chorimas, xestas, … foron algunhas das palabras elexidas polos nenos e nenas do segundo ciclo, que disfrutaron moitísimo polas rúas de Bueu e bailando e cantando no concerto de Pablo Díaz.

VISITA DO CEIP DE BARCELOS

O pasado 12 de abril recibimos a visita dos nosos compañeiros e compañeiras do CEIP de Barcelos de Pontevedra.
Recibímolos no noso cole e despois de facer as correspondentes presentacións e coñecernos un pouquiño mellor, baixamos ao centro de Bueu para visitar o Museo de Massó. A nós gustounos moito, esperamos que a vós tamén.
Finalmente volvimos para o noso centro para rematar a xornada cunha gran merenda e xogar no patio.

Pasámolo xenial!! Agora esperamos volver a veros o 3 de maio, pero esta vez tócanos a nós movernos.

Ata pronto amigos!!

TEATRO: TARZAN OF THE APES

Marzo convertiuse para os nenos do 2º ciclo nun mes moi viaxeiro, porque despois de ir a Naturnova e o Marco , volvemos a ir a Vigo o venres 18. Esta vez a causa foi ir ver unha obra de teatro en inglés:

TARZAN OF THE APES.

Foi divertidísima, e aínda que pareza mentira a entendimos moi ben. Os actores a verdade é que eran moi bos.

A anécdota a protagonizaron unha nena e un neno de 4ºA, Paula e Héctor, que foron elexidos de entre un montón de nenos de diferentes colexios.

O pasado martes, 15 de maio, os nenos e as nenas do 2º ciclo pasamos un día estupendo na cidade de Vigo, onde tivemos a oportunidade de visitar dos museos. Por un lado acudimos a Naturnova, . Neste centro puidemos coñecer como é o mundo que nos rodea e o importante que é coidalo e conservalo. A través das súas tres salas fomos quen de viaxar polo fondo da ría de Vigo grazas a un simulador dun submarino, ver un sistema solar en movemento, escoitar unha tormenta, observar Galicia dende o aire, comprobar a diferente intensidade dos sons, … Tamén estivemos no Marco. Non era a primeira vez que estabamos alí, pero non nos importou pois como moi ben saberedes as exposicións cambian a miúdo. A nós tocounos unha exposición de fotografías de Virxilio Vieitez e sinceramente estivo moi ben. A verdade é que o persoal que dirixe as visitas está moi preparado e foron capaces de sorprendernos e de manter a nosa atención. Gustounos moito o taller onde fixemos actividades cun espellos. Aquí tedes algunha das nosas opinións: • O que máis me gustou foi o submarino, porque parecía que certamente ías por debaixo da ría (Javi, Adrián, Alicia, Yoel, Marta, Andrea, Víctor, Pablo, Lissette, María, Ángeles ) • Gustaríame volver a Naturnova para espiar a xente que andaba pola rúa (María, Icía, Alicia) • O que máis me sorprendeu en Naturnova é comprobar como o home pode contaminar o planeta ( Marta) • Sorprendéronme moitísimo as fotografías de mortos de Virxilio Vieitez ( Andrea, Marta, Pablo, Icía,) • Encantaríame volver ao Marco porque aprendín cousas moi interesantes ( Cris) • Gustoume moito o planetario en Naturnova, porque o pasei moi ben manipulando os ordenadores. ( Simón) • Sorprendinme cando puiden investigar sobre os planetas nos ordenadores de Naturnova ( Natalia) • O que máis me sorprendeu en Naturnova foi o ordenador que explicaba as extincións do pasado ( Dani) • Paseino moi ben no Marco cando debuxamos nos espellos ( Marta, Icía, Lucas, Ängeles)

APRENDIMOS QUE ERAN OS HIPPIES :

ERAN XENTE PACIFISTA E ECOLOXITAS, VIVIAN EN COMUNAS, TIÑAN MASCOTAS E TOCABAN INSTRUMENTOS.

TAMEN DEBUXAMOS HIPPIES :

OS HIPPIES DO 2º CICLO

De laranxa ou de lila, os hippies de 2º ciclo mesturáronse, cos Bob Esponxa de infantil, cos músicos e pallasos sen fronteiras do 1º ciclo e cos activistas de green peace, conformando un conxunto multicolor, proclamando que o colexio " A Pedra" está firmemente convencido en medrar en valores, sen esquecerse das tradicións e da festa.
Foi un día inesquecible, e aínda que xa non levemos o disfraz, seguiremos proclamando:

PAZ E AMOR !!!

PREPARANDO O ENTROIDO

Estamos moi acustamados a lucir só o traballo cando está rematado.
Esta vez gustaríanos que tamén compartirades con nós como foi esa semana anterior a gran festa rachada da celebración do entroido do venres, 4 de febreiro.
Pois ben, mentres seguiamos facendo mates, linguas, ... acudiamos á clase con algo na cabeza, nos pes, coa cara pintada ou con algo na cabeza.
Tamén cada día ensaiabamos a canción, que como sabedes estaba composta coa música de
" My sweet Lord" de George Harrison. Intentamos nela transmitir a filosofía pacifista dos hippies.

“PAZ E AMOR”


Paz e Amor
Mm Amor
Mm Amor.

Vimos de “A Pedra “
tirámonos na herba
vemos as estrelas
ee non queremos guerras.
Mm , non , non, non
non, non , non
Mm amor.

Quero compartir
quero respectar
quero tamén amar
e por qué non “ghosar”.
Aleluia
Paz e Amor
Aleluia.
Paz e Amor.
Aleluia.
Paz e amor
Aleluia
Paz e amor
Alelulia

Somos pacifistas
e ecoloxistas
Somos pacifistas mm amor
pero non clasistas
non, non, non señor
Aleluia
…

Vimos de “A Pedra”
…..
Por suposto tamén confecionamos o noso disfraz. Ao principio nos fixo moita ilusión, pero a verdade e que ao final estabamos un pouco cansos de facer tantas flores. O que está claro é que valeu apena.

OGALLÁ HOUBERA MÁIS SEMANAS COMA ESTA!!!

PONLLE PILAS AO TEU BOCATA

O pasado xoves, 3 de marzo, os nenos e nenas do segundo ciclo enchemos a aula de usos múltiples do colexio para acudir a unha charla, cuxo nome era:

"Ponlle pilas ao teu bocata".

Unha parella de chicos moi simpática falounos dunha boa alternativa á típica merenda que traemos para a hora do recreo. Propuxéronnos uns bocatas saborosísimos nos que poderiamos mesturar atún, sardiñas ou mexillóns en lata, con cenoria, olivas, leituga ou ovo cocido.

O resultado, comprobámolo porque todos poidemos facer a nosa combinación, foi expléndido, pero non só en sabor se non tamén en riqueza nutritiva pois conteñen, vitaminas, proteínas e os tan nomeados ácidos omega 3, relacionados según os expretos co éxito no rendemento escolar.

Os disfraces foron un bo complemento a este día tan rico!

CLASE DE BOTÁNICA

Esta primeira semana de marzo veu chea de novidades. O primeiro día deste mes, disfrutamos dunha sesión de botánica ao aire libre, que nos fixo saír da rutina diaria e todo foi grazas ao polifacético Ramón.
Estamos, os nenos e nenas de terceiro, na área de coñecemento do medio estudando as plantas. De súpeto alguén se decatou de que Ramón estaba facendo as veces de xardineiro. Despois de falar con el, non só se prestou a que fósemos testemuñas do seu traballo, se non que ademais nos preparou unha sesión no xardín do colena que nos falou da reprodución das plantas co sementes e tamén por diferentes tipos de escallos. Coñecemos de paso as árbores e arbustos que rodean o colexio.
A verdade é que aprendemos un montón de cousas e agora temos na nosa clase unha plantas con escallos de hortensia que nos debemos coidar.
NON NOS QUEDA MÁIS QUE AGRADECERLLE AO NOSO PORTEIRO, PINTOR, MAGO, CARPINTEIRO, ... E AGORA PROFESOR DE BOTÁNICA

GRAZAS RAMÓN!!!!

CLUBE ARCO DA VELLA

Os nenos-as do segundo ciclo quérenvos presentar a formiga Ramira, a mascota do clube Arco da Vella. Este clube xorde ante a iniciativa dos alumnos-as de 3ºB de dar resposta aos problemas relacionados co estado dos patios exteriores tralos recreos. O obxectivo principal do clube é fomentar as conductas cívicas no noso colexio (respecto aos compañeiros-as, aos mestres-as e ás instalacións) así como desenvolver hábitos saudables e actitudes de responsabilidade co medio ambiente e coa contorna. Destacan entre as súas funcións principais as seguintes: saídas de concienciación, participar na recollida de materiais de reciclado, cultivo e regado das plantas, contribuír ao mantemento en bo estado do material colocado nos corredores do colexio…
Aínda que a idea orixinaria da creación do clube partiu dos nenos e nenas de 3ºB , e todos eles manifestaron a súa inquedanza por pertencer a este, a participación no clube farase extensiva a todo o alumnado do 2º e do 3º ciclo que así o desexen. Os alumnos-as que queiran formar parte del cubrirán unha folla de inscrición e deberán estar un mes a proba baixo a tutela dun membro máis antigo, a fin de comprobar a súa implicación e responsabilidade coas funcións a desenvolver.

PARA MÁIS INFORMACIÓN PASAR POLO TABOLEIRO DA NOSA FORMIGA RAMIRA.
UN SAÚDO COLEGAS !