domingo, 15 de febrero de 2015

UN ENTROIDO CHEO DE ARTE

Non somos, nin debemos ser supersticiosos pero celebrar o ENTROIDO un venres 13... Pois non, non foi o mellor día do ano. Choveu a chuzos así que non pudemos lucir polas rúas da nosa vila estes disfraces que tanto traballo nos costou facer. Así que, como acontecera o día da PAZ, quedámonos no ximnasio do cole, e aínda que non da mesma maneira tamén o pasamos ben. Alí todos os ciclos cantamos a nosa canción. Nós coa música de " 4 Vellos Mariñeiros" cantamos a nosa:

Terceiro e cuarto Da Pedra
Terceiro e cuarto Da Pedra
Somos cadros de Miró.
Da gusto vernos a todos
Con lúas, estrelas e soles de cores.
Da gusto vernos a todos
Con lúas, estrelas e soles de cores.

José Solla, Cesar Lombera
Peteiro,  Marga Portela.
Son artistas e son galegos
que nós traballamos
para coñecelos.
Son artistas e son galegos
que nos traballamos
para coñecelos.

Ai lalelo

Coas nosas caras fixemos
coas nosas caras fixemos
un precioso mural.
Era todo un Pop Art,
Para Andy Warhol
poder imitar.
Era todo un Pop Art
Para Andy Warhol poder imitar.


Emocionarte e namorarte,
Valorarte e consolarte,
Troulear e  disfrazarte
neste  Entroido
Tan cheo de Arte.
 Troulear e  disfrazarte
neste  Entroido
Tan cheo de Arte.

Ai lalelo

Disque é a culpa da LOMCE
Disque é a culpa da  LOMCE
E do ministro Wert.
Andan tolos estes mestres,
buscando tarefas para nós facer.
Andan tolos estes mestres,
buscando tarefas para nós facer.

Nós na Pedra
Estamos de festa,
Nós na Pedra
Imos celebrar
Que gañamos todos este curso
Un  premio especial a nivel nacional,
Que gañamos todos este curso
Un  premio especial a nivel nacional.

Ai lalelo

Seguindo co proxecto de ARTE que como sabedes estamos levando no centro, o alumnado de 2º ciclo fomos por un día CADROS de MIRÓ. 
Neste vídeo podesdes comprobar que no só nos disfrazamos, tamén imitamos a Miró pintando nos mesmos os cadros

A ARTE DE CONSTRUÍR A PAZ

Como cada 30 de xaneiro no CEIP "A Pedra" celebramos por todo o alto o día da paz.
 Este ano, non podía ser doutra maneira, foi unha celebración moi artística. 
Ao alumnado do 2º ciclo tocounos facer o mural da entrada e...  Coas nosas caras fixemos un precioso cadro emulando aos POP ART de ANDY WARHOL.
Este foi o resultado
3ºA
3ºB
4º A
4ºB
Traballamos os días previos á celebración do día da paz, todas as aulas do centro, palabras relacionadas coa paz na que estaba incluída a palabra PAZ, coas que tivemos que elaborar uns pequeno texto para ser lidos.
Este foi oresultado:

"Queremos namorARTE cando saibas que nos alegramos dos teus éxitos, que nos afliximos se ti sufres, porque nos gusta o teu sorriso amable, doce, sincero, cariñoso, namóranos a túa mirada boa, limpa, tenra e despexada."




"Eu quero lembrARTE con cariño para que te sintas feliz, pola túa intelixencia e paciencia para solucionar os teus problemas, pola túa xenerosidade para que te sintas ben, porque sempre me sentín acompañado por ti."
"Queremos emocionARTE cando nos das un sorriso, cando nos les algo bonito, acndo nos das aloumiños con moitos biquiños. Queremos emocionARTE porque da nosa vida formas parte. coas nosas delicias de pinturas de arte"

"Queremos consolARTE cando estés disgustado e triste, cando non teñas plalbras e ideas para expresar o que estás sentindo. Queremos consolARTE sempre."


domingo, 18 de enero de 2015

ANIMAIS E PLANTAS 4ºA 4ºB




Empezamos este novo trimestre coa exposición do derradeiro traballo de coñecemento do medio "As funcións vitais en animais e plantas".


Esta vez por parellas decidimos realizar un powerpoint escollendo un animal e unha planta. Utilizando o vocabulario específico do tema e empregando os conceptos aprendidos expuxeron oralmente o seu traballo. Falaron da función de nutrición, da reprodución e da función de relación de animais e plantas.



Explicando algúns tropismos das plantas, como a orientación das raíces cara á auga, ou das follas cara ao sol, ocorréusenos facer na aula un pequeno experimento.

Collemos dous caraveis brancos, metemos o talo nun recipiente con colorante azul e outro vermello, e así puidemos comprobar ao longo dos días como as súas follas ian tornándose desa cor. Algúns animáronse a facelo incluso na casa e engadiron os resultados no seu powerpoint.

                                  

                                   

                                    


Os resultados unha vez máis foron excelentes! Sabemos que a exposición oral é o máis difícil neste tipo de traballos, porén cada vez fano mellor. Facemos fincapé na  importancia de engadir pequenos esquemas e fotografías que nos axudan a coller confianza en nós mesmos, nos serven como guía e fan que a nosa ponencia sexa moito máis amena.



Este tipo de aprendizaxe é moito máis significativa e motivadora, e a vosa creatividade é unha fonte inesgotable de sorpresas!



Grazas!


















































PARABÉNS!

lunes, 22 de diciembre de 2014

JORGE PETEIRO


Co gallo do noso proxecto anual "LerArte", neste primeiro trimestre decidimos traballar artistas galegos. En 4ºA escollemos o pintor coruñés Jorge Peteiro porque encantounos o seu estilo propio e os seus cadros cheos de luz e de cor, que sen dúbida, reflicten ledicia.

A gama de cores que emprega vai dende marróns, ata os verdes, blancos ou morados, así como tamén as cores primarias. A unión de todas esas cores serán a base principal das súas obras, a súa linguaxe, o seu estilo e identidade.

Despois de indagar un pouco na súa biografía, puxémonos a escoller os cadros que máis nos gustaban. Foi difícil a elección pero finalmente decidímonos por estas catro paisaxes:





Agora tocábanos traballar a nós, e así foi como a nosa aula converteuse nun taller cheo de lenzos, pinceis, pinturas, papeis de xornais... e a pintar artistas! Respirábase moita Arte!!

Descubrimos que ser pintor non era unha sinxela tarefa, porén inténtamolo e disfrutamos duns días artísticos cuns resultados máis que excelentes. 

Espero que disfrutedes co vídeo. 




Xa estamos a argallar algo para o seguinte trimestre, que será?... ;)

FELICES FESTAS!

Que mellor maneira de felicitarvos que facelo cos lemas que vós mesmos, as familias do alumnado de 2º ciclo, propuxestes. Debo dicir que só unha foi a elexida, pero que todas, absolutamente todas, o mereciades tamén.


Sé artista e regala ledicia no Nadal.  (Mabel  4ºB)

O Nadal vívese en familia, cántase en conxunto e celébrase con todos. (Lucía D. 4ºA)

Este  Nadal empeza a pensar nos demais.  (Jorge 3ºA)

Cun bote de cariño e un pincel de ilusión iremos pintando sorrisos en todos os corazóns. (Laura Brocos 3º A)

Se neste Nadal  distingues unha luz ,moi brillante no ceo, pide un desexo de FELICIDADE para o mundo enteiro.  (Atenea 4ºB)

*Mellor que todos os agasallos debaixo da árbore de Nadal é a presenza dunha familia feliz. (Alexandra 4ºB )

O importante do Nadal non é o Papá Noel , senón estar coa familia e pasalo ben. (Alba 4ºB)

Que este ano te atrape o espírito do Nadal. (Andrea G. 4ºA)

A arte máis grande é que  a felicidade  brille en todos  os fogares do mundo.Felices festas. (Yago 4ºB)

Que o conxunto de persoas disfruten da maxia navideña. (Alonso 4ºB)

O Nadal é o pracer de ser positivo, amar e sorrir.Feliz 2015!  (Javier 4ºB)

A maldade non existe e xa ven o ben , preparádevos persoas ,o Nadal está por facer. (Daniel R.4ºB)

Neste Nadal lucirá a maxia, as cores e a luz , coma se fose un cadro luminoso que expresa a bondade e amizade. BO NADAL.  ( Rocío  4ºB)

O Nadal é o momento de vivir con esperanza, sorrí , comparte. BO NADAL ! (Mario 4ºB)

Se fose pintor pintaría no Nadal todas as caras cheas de sorrisos . (Salva 4º B)

O mellor dos pintores é o que pinta a un neno coa ilusión que dá o Nadal.(Carmen 4ºA)

A arte non é unha pintura nin unha escultura , senón unha alma ao descuberto. (Nuria 4ºA)



No Nadal turrón a cantidade.( Sara D. 4ºA)

CON ESTA PRECIOSA TARXETA, FEITA POR TODO O ALUMNADO DE PRIMARIA BAIXO A SUPERVISIÓN DA PROFE GELI E O LEMA DE LAURA BROCOS, O EQUIPO DE MESTRES E MESTRAS E O ALUMNADO DE TODO O CEIP A PEDRA  DEXÉSANVOS QUE PASEDES ESTAS FESTAS RODEADOS DOS VOSOS SERES QUERIDOS EN PAZ E HARMONÍA.


 TERCEIRO A
 CUARTO A
 TERCEIRO B
CUARTO B



 E para rematar deixámosvos un pequeno vídeo dos diferentes obradoiros que fixemos o venres antes da visita das súas maxestades,os Reis Magos. Dous dos obradoiros eran decorativos, noutro xogamos ao Bingo coas profes Luisa e Megan, e por último coa profe Gore movemos o esqueleto. Foi xenial!!


AQUILES, UN PUNTIÑO MOI ESPECIAL

No cole xa se respiraba un aire moi especial, o ambiente navideño andábanos a rondar. Estar nas aulas sentados, facendo exercicios de matemáticas ou de lingua ... a verdade non nos apetecía nada. 
Así que o xoves a última hora tivemos unha grata sorpresa, cando a profe Lina veu buscarnos ás nosas aulas para levarnos a todo o alumnado de terceiro e cuarto á aula de usos múltiples. 
Contounos a historia de Aquiles, un puntiño moi especial que terminou converténdose nunha fermosa obra de arte.
O conto era precioso pero o que o fixo especialmente atractivo foi a dozura empregada para contárnolo.
GRAZAS PROFE LINA!!!
Agora tócanos a nós converter ao noso punto noutra fermosa Obra de Arte.


jueves, 4 de diciembre de 2014

CLASE DE ORIENTACIÓN

Esta vez os alumnos de terceiro cambiamos  a comodidade dos pupitres da aula polo frío chan do patio do cole. 
Tocábanos dar unha clase de orientación guiándonos polo sol. 
Xa a primeira hora da mañá saímos para comprobar por onde saíra o sol (a estas alturas do ano sae ás 8: 45) así que estendemos o noso brazo dereito cara a ese lugar, sabendo que estabamos sinalando o LESTE, polo que o esquerdo estaría sinalando o OESTE, ao noso frente estaría o NORTE e ás nosas costas o SUR.
No xornal limos que o sol estaría no seu punto máis alto ás 13:20, así que volvemos saír da clase a esa hora. Tivemos sorte porque nese momento estaba todo despexado. O profe Ginés díxonos que nese momento o sol estaba no SUR, así que se puxo de costas ao Astro Rei, e a súa sombra, proxectou o NORTE. Nese momento tendo en conta onde estaban estos dos puntos cardinais, facendo o mesmo da mañá, estendemos os brazos para sinalar coa man dereita o LESTE e coa esquerda o OESTE. 
Os profes remataron facendo no chan unha ROSA DOS VENTOS.
APRENDEMOS UN MONTÓN!
 E ADEMÁIS O PASAMOS MOI BEN!



domingo, 30 de noviembre de 2014

INVESTIGANDO A REPRODUCIÓN HUMANA



Os alumnos e alumnas de 4ºA e 4º B queren mostrarvos todo o que aprenderon da reprodución humana. Fixeron un excelente traballo, pesquisando sobre as fases do embarazo, as funcións do cordón umbilical e da placenta, buscaron a etimoloxía de "In Vitro" e incluso explicáronnos en que consitía. 

 Todos fixeron un marabilloso traballo, porque tiveron que buscar a información, seleccionala, organizala e plasmala nunha cartolina grande acompañadas de bonitas ilustracións.  




O máis difícil foi a exposición oral, moitos estaban como flans!! Pero aínda así, fixéronno moi moi ben. Algúns non lles importou incluso volvelo a expoñer noutras aulas, xa que en 6ºA e 6º B tamén están estudando a reprodución humana.

Daba gusto escoitar todo o que aprenderon e utilizando en toda a exposición o vocabulario específico do tema ( embrión, feto, bebé, cordón umbilical, fecundación ... ). Algúns contaron anécdotas deles, trouxeron as  súas ecografías, outros aportaron un montón de curiosidades...

As profes de 4º estamos moi orgullosas de todos os nenos e nenas polo traballo realizado, e unha vez máis queremos agradecer ás familias a vosa coloboración. Porque esta forma de aprender a aprender é sin dúbida a máis significativa. 

A continuación deixamos varios vídeos das súas exposicións, ao longo das semanas iremos colgando moitas máis.

                              PARABÉNS !!


Uxía 4º A



Alba 4ºB


Carla 4º A



Alonso 4ºB


Salva 4ºB


Laura 4ºA


Andrea 4ºA


Nico 4º A


Lucía 4ºA


Carmen 4ºA


Paula 4ºA



Hugo 4ºA


Adrián 4ºB
 

Yéneba 4ºA


David 4º A


Rocío, Carla, Mabel e Dani  4º B


Atenea  4ºB


Gabriela 4º B


Alexandra 4º B


Borja  4º A


Germán 4º A



Miguel 4ºA


Denís  4ºA



 Nuria 4ºA


Sara


Dani


Sara


Noa



Pablo 4º A



E así coa derradeira exposición, concluimos este tema da reprodución humana, que reflicte claramente todo o aprendido, o esforzo e traballo de todo o alumnado. Así da gusto traballar rapaces!!

                                         GRAZAS!

viernes, 28 de noviembre de 2014

MES DA CIENCIA EN GALEGO

O alumnado de terceiro, iniciámonos este mes no  traballo de científicos cuns resultados excelentes.
Tocounos investigar sobre algo tan común e cotiá como os alimentos.
Primeiro recollemos folletos de alimentos dos distintos supermercados da vila e con eles fixemos unha pirámide de alimentos que nos permitiu ver dunha forma moi visual que alimentos debemos comer a diario e con más frecuencia e cales debemos consumir ocasionalmente.

 Despois averiguamos o que nos aportaba cada alimento e que nutrientes contiñan( vitaminas, proteínas, graxas, hidratos de carbono ...). rematamos facendo a roda dos alimentos.

Para investigar máis acudimos ao noso bibliocastelo. Alí si que nos sentimos "Aprendices de científicos" cando cun sinxelo experimento comprobamos que alimentos contiñan graxa. Colocamos diferentes mostras de alimentos sobre folios brancos e os prememos cunha culler. Despois  secamos os folios nas estufas, e cando estiveron de novo secos, os colocamos ao trasluz nas ventás da nosa aula. A máis de un abriusenos a boca ao ver as manchas que os alimentos graxentos deixaban no papel. Sorprendeunos a cantidade de graxa que ten o queixo ou as galletas e que o pan, porén, non tivera ningunha.




Rematamos a nosa experiencia elaborando uns murais  para explicar como sería un menú saudable (almorzo, media mañá, xantar, merenda e cea). Tiñamos que explicar que nos aporta cada alimento, se serve como combustible para que podamos realizar as actividades, se era para que o noso corpo funcionase ben ou para axudarnos a medrar sans. Quedáronnos chulísimos como podedes comprobar.




Para rematar a actividade acudimos ás aulas de primeiro, que tantas boas lembranzas nos traen!, para compartir cos máis pequenos do cole o que aprenderamos e para animalos a comer dunha forma saudable para estar tan altos e fortes coma nós.


domingo, 23 de noviembre de 2014

VISITA A PONTEVEDRA



Este luns 17 de novembro estivemos de visita por Pontevedra. Co gallo do proxecto de arte deste curso, decidimos visitar a Facultdade de Belas Artes, como se forman os artistas?
Estivemos nos diferentes talleres da facultade, empezamos polo taller de madeira, continuamos no taller de metal, despois na aula de debuxo e por último na aula de pintura. Encantounos ver como os alumnos debuxaban unha escultura mentras escoitaban música, ficamos abraiados como pintaban en lenzos de dous metros, que creatividade se respiraba alí! De feito, moitos de nós saimos pensando que nun futuro non nos importaría estudar alí.



"Ningún gran artista ve las cosas como son en realidad; si lo hiciera, dejaría de ser artista."
 Oscar Wilde


Ás doce tiñamos concertada unha obra de teatro en Caixanova, "Antía, Wamba e o regato pequeno" da compañía A Tropa de Trapo. 
Wamba, un mozo do Congo, coñece a unha nena chamada Antía, e fan un bonito intercambio entre eles. Ela comparte o seu bocadillo e el a cambio, cóntalle unha historia por cada anaco. Son catro historias que falan de África e Europa, do que nos sobra e falta, de compartir, de valorar o importante, de ollar con esperanza... Eran historias para bailar, cantar, xogar e tamén para sentir e pensar. Os relatos fixéronnos reflexionar sobre a solidaridade, a igualdade e a importancia da amizade. 




domingo, 16 de noviembre de 2014

MAGOSTO NAS AULAS

        
Como chove miudiño
como miudiño chove
Rosalía de Castro

Miudiño chovía , o día que os nenos tiñan pensado facer xogos no patio e para rematar comer as castañas.
                 O tempo non deixou xogar,  
                 pero as castañas non deixaron de saborear.
Xuntáronse todos nos corredores e nas aulas pasando un boísimo rato.







VACACIÓNS DE SEMANA SANTA

Bueno, chegaron as vacacións, unha tristeza que sexa nesta situación pero hai que ser positivos, a saúde é o máis importante.  Agora desc...