domingo, 30 de octubre de 2016

SAMAÍN

Xa é un clásico no noso cole! Chegou o Samaín!
Este ano, o noso, é  un Samaín  de aluCINE! Botádelle unha ollada ao impresionante mural!
Cada aula traballou un pesonaxe de medo dunha película e posteriormente foron introducidos dentro do seu correspondente fotograma. Estos foron os que nos tocaron aos de terceiro e cuarto:
Gremlins 3ºA
Cruella Deville 3ºB
Zombies 4ºA
Os Cazafantasmas 4ºB

 A entrada encheuse de novo de cabazas. Este ano, como non!
 Moi cinematográficas!



Corredores, portas,andeis da biblioteca, cristaleiras, portas, morcegos, bruxas,... 






 Pero os verdadeiros protagonistas, foron sen dúbida algunha, os nenos e as nenas que o venres 28 viñeron disfrazados deses personaxes de terror. Pasaron unha xornada inesquecible. 
Neste vídeo poderedes comprobalo!!!!!

viernes, 28 de octubre de 2016

ANIVERSARIO DE PAPIRUS

Todo comezou, cunha visita inesperada. Un carteiro cunha cara, por certo, ben coñecidaa, tróuxonos unha carta con forma de claqueta de cine na que dentro había unha invitación para acudir ao 
ANIVERSARIO DE PAPIRUS!

  
O pasado luns, 24 de outubro, o noso cole converteuse nunha auténtica celebración, pois a nosa mascota cumpría anos. 

O alumnado de terceiro e  cuarto non puidemos acudir ese mesmo día, pois o luns foi a quenda dos máis pequeniños e pequeniñas do cole. Así que nós fomos o martes 25, e asegúrovos que valeu a pena esperar.




Papirus non se atopaba no bibliocastelo, pero mandounos un vídeo precioso no que nos explicaba onde se atopaba. Resulta que este ano foi de vacacións a Hollywood e alí se quedou para investigar todo o que poida sobre o CINE. 
Así que xa sabemos o que nos queda este ano;
 Mergullarnos no mundo da séptima arte!
Ademais a profe Lina contounos un precioso conto sobre a historia do cine, no que os protagonistas terminamos sendo nós mesmos.
Se queredes ver o vídeo de Papirus e todo o que aconteceu no Bibliocastelo ao redor do seu aniversario, preme  aquí, para enlazar co blog da beblioteca

BENVIDA AO NOVO ALUMNADO DE TERCEIRO

Despedimos o curso pasado, moi ao noso pesar, ao alumnado que agora enche  as aulas de quinto. 
Pero como non hai mal que cen anos dure, as nosas clases agora volven a estar cheas  de ledicia co novo alumnado de terceiro.
Queredes saber quen son?
Alumnado de terceiro A e B
Nenos e nenas de terceiro B
Alumnos e alumnas de terceiro A
Este vai ser un curso de cine. Sofía e Fabiola de terceiro A,  versionaron  a canción de Mamá Cabra, Moi cintento a escola vou por:
MOI CONTENTA AO CINE VOU!
No seguinte vídeo poderedes velas!





Neste blog iremos informando de todas s actividdes, acontecementos, festas e celebracións!
Estade atentos e atentas!


lunes, 27 de junio de 2016

EXCURSIÓN FIN DE CURSO


E por fin chegou o gran día, estabamos desexando que chegase a excursión de fin de curso. Por mor do tempo tivemos que cambiar a data pero mereceu a pena. 
O pasado mércores 22 de xuño despedimos o curso escolar por todo o alto, pasando todo o día fóra da casa cos nosos compañeiros e compañeiras. Nada máis chegar ao centro saímos cara Redondela para visitar todos xuntos o museo de MeiRande, despois dividímonos en dous grupos. Mentres o alumnado de 4º foi visitar a illa de San Simón, o alumnado de 3º foi para a praia de Cesantes. Alí realizaron actividades moi divertidas na auga, snorkel, paddle surf, kayak e xogos na area. 
Xantamos todos xuntos e despois os grupos intercambiaron as actividades.

Como podedes ver nos seguintes vídeos foi para moitos a mellor excursión de fin de curso. Foi unha xornada moi divertida, dinámica, amena e un día de convivencia estupendo. 





3º A e 3º B Illa San Simón




Paddle surf

Snorkel






Agora chegaron as ansiosas VACACIÓNS, disfrutar moito, rir a gargalladas, dar paseos en bici, practicar algún deporte novo, disfrutar do sol, da praia, dos pequenos momentos coa familia e amigos, ler ao aire libre... e o máis importante SER FELICES!!

BO VERÁN!

domingo, 19 de junio de 2016

APADRIÑAMENTOS LECTORES

O curso remata, pero non podiamos finalizar sen un clásico no noso colexio: "Os apadriñamentos lectores". Ao alumnado de 4º tocounos apadriñar ao pequenos de primaria.
Os de 4ºA xuntámonos este curso cos de 1º B.

 Aos de 4ºB tocáronnos os de 1º A. 


Nótase que  case somos de 5º porque levabamos moi preparadas as lecturas que queriamos facer. A isto hai que engadir que fixemos unha pequena tarefa de investigación para saber un pouco os gustos, aficións, forma de ser dos nosos e das nosas afilladas lectoras.
Repartímonos por parellas pero ao final houbo tres nenos, Iago, Álvaro e Martiño que lle leron a todos á vez, os seus libros: A sopa quente, A casa da mosca chosca e O tren de Martiño.
Pasamos unha xornada moi divertida e está claro que os nosos afillados e afilladas sempre poderán contar con nós.

sábado, 4 de junio de 2016

CORRELINGUA

O pasado luns, 30 de maio, por fin puidemos gozar coa festa da lingua. 
Todo estaba planeado para o pasado día 12, pero unha vez máis o tempo volveu xogarnos unha mala pasada. Valeu a pena esperar e aínda que, cando saiamos do cole caíron unhas pinguiñas, despois o sol brillou como nunca.
Este ano a cita foi en Cangas, polo que non puideron vir todos os nosos compañeiros e compañeiras. Os únicos afortunados de primaria fomos o alumnado de cuarto. Menos mal que tamén estaban os pequerrechos e e pequerrechas de infantil  e máis de 2 000 escolares da comarca do Morrazo.
Primeiro recorremos as rúas desta fermosa vila e despois acudimos a un concerto de "A Gramola Gominola".  Bailamos e cantamos ata quedar esgotados. Ao final cantamos as cancións de O Cuco e Galiza, para render unha homenaxe conxunta a Manuel María.

PLANETARIO E PHOTOCALL

Esta curso xa chega ao final pero creo que moitos de nós non o esquenceremos nunca porque o prxecto do Bibliocastelo foi o mellor.
Todo comezou ao redor do aniversario de Papirus, cando descubrimos abraiados, vendo aquel espectacular vídeo que Papirus se atopaba no espazo. 
Dende aquel día empezamos a investigar. Cada aula fixo os seus microproxectos, celebramos un Xamaín interestelar, un Nadal espacial, un Entroido galáctico
, mandamos a Rosalía ao espazo, descubrimos a Papirus subido no meteosat, ... de todo.
Pois aínda nos quedaba o broche final: 
 UN PLANETARIO DENTRO DO COLE!
Esta foi a cara que nos quedou!
Esta imaxes dan fe do que entramos e que puidemos ver as estrelas sobre as nosas cabezas!




Pois non foi esta a única sorpresa. Tras saír de alí esperábanos o photocall. Antes que nada debemos agradecer ao grupo de mamás que traballaron xuntoa á profe Lina para elaborar a nave espacial e os traxes de astronautas. 
Un traballo precioso!

sábado, 28 de mayo de 2016

XIRA KAMISHIBAI

O mes de maio, foi este ano, moi especial para o alumnado de terceiro e cuarto grazas ao Kamishibai sobre a vida e obra de Manuel María.
Como xa informamos, o día 13 de maio, puidemos expoñer o traballo a todo o alumnado do colexio. Os de terceiro cos pequenos e pequenas de Educación Infantil e os de cuarto co alumnado de primaria.

3ºA co alumnado do sexto ano de Infantil.
3ºB co alumnado de 5º de Infantil
 4º A cun grupo de primaria na biblioteca do cole.
4ºB cun grupo de primaria no bibliocastelo
Despois da celebración das Letras galegas no cole e ante o éxito obtido, fomos invitados polo Concello de Bueu á entrega de premios de poesía "Joham Carballeira" no Centro social do Mar, o domingo 15 de maio.
So cinco, puidemos asistir, María, Gabri, Iago, Xandre e Aroa. 
Encantounos e aplaudíronnos un montón!
Entrega de premios "Joham Carballeira" .Centro Social do Mar.
O mércores, 18 de maio, tocounos a quenda do alumnado de 4ºB, que acudimos ao Centro de día  "Andoriña". Foi moi emocionante!
4ºB no Centro de Día Andoriña de Bueu.
O xoves 19, fomos os de 4ºA os encargados de levar a vida e obra do escritor chairego ao Centro Parquinsón de Bueu. Volvemos a ter a sorte de atoparnos cun público do máis agradecido.
4ºA no Centro Parquinsón de Bueu.
O Venres 20, os alumnos e alumnas de 3º B fomos ao outro centro de Día que hai en Bueu: "Pescadoira".
Outra vez fomos recibidos por un público totalmente entregado que ademais nos agasallou cunhas cancións cando rematamos.
4ºB no Centro de Día Pescadoira.
Foi este pasado xoves, 26 de maio, no IES Joham Carballeira, onde o alumnado de 4ªA fixo o último pase, ante rapaces e rapazas de 2º de ESO.
4ºA no IES Joham Carballeira.



miércoles, 25 de mayo de 2016

PRIMEIROS AUXILIOS

   O pasado mércores 18 de maio, Catuxa, voluntaria da Cruz Vermella, veu ao noso centro para impartir unha charla ao alumnado de 3º sobre primeiros auxilios. 
   Contoulles nocións básicas de como actuar en caso de emerxencia:
1º PAS: protexe, avisa e socorre.
2º Chamar o 112.
3ºEn caso de ter que asistir a alguén inconsciente, comprobar se respira, e poñelo en posición de seguridade.
4ºSe non respira, intentar facerlle unha RCP(reanimación cardiopulmonar). 
Os nenos e nenas fixeron prácticas cun boneco, mentres cantaban a canción da "Macarena", que é o ritmo que deben seguir mentres a realizan.
   Esperemos que toda esta información que recibiron lles sexa útil, en caso de que se atopen algún día nunha situación semellante. Nunca está de máis saber como debemos actuar nestes casos. 

Grazas polas explicacións!

lunes, 16 de mayo de 2016

KAMISHIBAI MANUEL MARÍA

Nos seguintes vídeos poderedes visualizar como o 
alumnado de terceiro e cuarto utilizando a técnica xaponesa do Kamishibai contámoslle a diferentes grupos a vida e a obra de Manuel María.
Neste primeiro é o alumnado de 4ºA quen conta a vida e obra de Manuel María e recita algún dos seus poemas para os seus compañeiros e compañeiras na biblioteca do cole


No seguinte é o alumnado de 4ºB quen fai uso do Kamishibai, no centro de Día Andoriña de Bueu.





A primeira sesión que fixo o alumnado de 3ºB co Kamishibai, foi aos nenos e nenas de 4 anos de educación infantil.



Neste video podedes ver ao alumnado de 3ºB no centro de día de Pescadoira. Grazas por recibirnos!



As mulleres que visitamos dedicáronnos tamén unhas cancións, e que ben o fixeron!







Ao rematar a visita tiñan unha sorpresa preparada para os nenos e as nenas. Disfrutaron un montón co agasallo e coa compañía. Grazas de novo!



Os nenos e nenas de 3ºA estivemos visitando ao alumnado do noso centro de educación infantil. Fixemos dúas sesións, unha cos de 3 aniños e outra cos de 5 anos. Pasámolo moi ben!




VACACIÓNS DE SEMANA SANTA

Bueno, chegaron as vacacións, unha tristeza que sexa nesta situación pero hai que ser positivos, a saúde é o máis importante.  Agora desc...