ENTROIDO MEDIEVAL

Por fin chegou o día!

MAGOS MERLINS, CABALEIROS DA CORTE DO REI ARTURO, BUFÓNS E VASALOS!

VOLVEMOS A IDADE MEDIA PARA PERCORRER AS RÚAS DE BUEU!

This slideshow generated with Smilebox

PREPARANDO O ENTROIDO

Non cabe dúbida que o entroido é unha festa moi divertida que ten o seu día grande no pasarrúas, onde todos lucimos os nosos traxes e cantamos as cancións.
Porén poucas veces falamos da preparación das vestimentas e complementos, cando se elaboran os disfraces e se ensaian as cancións.
Nesta entrada mostrarase a letra da canción, pero tamén as fotos das mamás e papás cortando, pegando e grapando e ás nenas e aos nenos traballando nas aulas para ter preparado os nosos traxes de bufóns.


BUFONEANDO O ENTROIDO
Nenos, nenas
Vestidos de bufóns
Ai como molamos
Ai, ai que risa damos
Crise, crise
Así estamos nós
Ai os recortes
Ai, ai a educación

O venres no Entroido
Os bufóns comezaron a bailar
Volvemos a idade media
A pasta está a faltar.

Nenos, nenas […]

O sábado no Castelo
Os bufóns comezaron a actuar
E para entreter aos monarcas
Malabarear, cantar e brincar.

Nenos, nenas […]

NAVAR DENDE SUIZA

Entre a profe Macu e Begoña, mamá de Elena de 4ºB, argallaron unha das actividades máis emotivas de todas as levadas a cabo no ciclo. Aproveitando que eran as vacacións de inverno en Suiza e que Navar non tiña clase tivemos unha charla a través do skype.
O escenario foi a aula de 4ºB, a que foron invitados os nenos e nenas de 4ºA. Tamén asistíu a profe Marta por ser ela a profe de Navar no 1º ciclo.
Por parellas foron acudindo diferentes compañeiros para interesarse polo noso querido amigo. Os nervios eran evidentes pois moitos deles non volveran falar con el dende xuño.
Contounos que o alemán era unha lingua moi difícil de aprender, que pasaba moitas horas no colexio e que facía moitísimo frío, aínda que ese día non nevaba.
Nós, dixémoslle que o botábamos moito de menos. Lle adicamos unha canción e lle explicamos de que iamos ir disfrazados.

Sería bonito que esta experiencia se volvese repetir.

QUERÉMOSTE NAVAR!!!!

VISITA DE GONZALO MOURE

Tras ler "Cama y Cuento" os nenos e as nenas de terceiro estaban desexando coñecer ao seu autor. Non se fixo derrogar e o pasado mércores 8 de febreiro, Gonzalo Moure tivo a ben vir á biblioteca do noso cole. Contoulle que o libro foi escrito tras ter falado cunha nena que lle dixo que despois de aprender a ler os seus pais xa non lle leron máis. Contestou amablemente a cantas preguntas lle fixeron

Igual de emocionados atopábase o alumnado de cuarto, tamén na charla. Querían que Moure lle contestase a centos de incógnitas sobre "Los Caballos de mi Tío", o libro que estiveron lendo tras a volta das vacacións de Nadal. O escritor contuulle que era unha mestura do que foi a súa vida e o que lle gustaría que fose.

Admitiu que o libro seu preferido é "Palabras de Caramelo", historia que moitos dos nenos e nenas xa coñecían.

Resultou ser unha charla moi agradable, na que os nenos se portaron moi ben. Esperamos que Gonzalo Moure volva pronto ao noso centro con novas novelas e historias que contarnos.

GRAZAS!!!!

VISITA A PONTEVEDRA

QUE BEN O PASAMOS!

O venres 3 de febreiro fomos á cidade de Pontevedra.
O primeiro que visitamos foi o museo municipal. O que máis nos chamou a atención foi a reprodución do camarote onde o Almirante Méndez Núñez tomaba as decisión que o fixeron tan famoso. Tamén é impresionante o tesouro de Caldas, xoias de ouro de epocas prehistóricas gardadas con todo tipo de medidas de seguridade. puidemos ver tamén como se conserva unha cociña do século XIX así como diversos obxectos de cerámica e prata.
Aproveitamos tamén a saída para ir ver e escoitar un concerto didáctico dos "Gaiteiros da Xistra".
Merendamos nuha das fermosas prazas que ten a zona vella desta capital galega.

Se queredes podedes botearlle unha ollada as fotos!

DÍA DA PAZ

O pasado luns, 30 de xaneiro, tivo lugar no patio do colexio un emotivo acto para conmemorar o día da paz. Como xa vén sendo tradición cantáronse unha canción en inglés e outra en galego. Este ano as elexidas foron: "What a wonderful world" e "A rumba das apertas". Foi moi emocionante ver a todos os nenos e nenas e aos seus profes collidos das mans cantando.

Este ano tamén se leron noticias sacadas dos xornais que tranmitían solidaridade, xenerosidade, e optimismo; boas novas que nin fan pensar que este mundo tamén pode serun mundo marabilloso como nos dicía Louis Amstrong na súa canción.

VISITA DO CENTRO JUAN XXIIII

O pasado venres 27 de xaneiro, o alumnado do 2º ciclo recibimos unha visita moi especial: “ O grupo de teatro do centro ocupacional da asociación Juan XXIII de Cangas”
A actividade, proposta polo equipo de dinamización lingüística, tiña por obxectivo fomentar a tolerancia ante a diversidade e o coñecemento, a valoración e o respecto ao colectivo de discapacitados intelectuais.
A visita superou con creces as expectativas postas na actividade, pois máis alá de acadar os obxectivos, aprendemos e divertímonos. A obra estaba totalmente elaborado polos seus actores partindo dun poema de Vicente Huidobro. Todos os materiais utilizados foron tamén feitos por eles. Resultou ser interactiva pois foron sacando a diferentes nen@s para completar o poema.
Desexamos que esto sexa o principio dunha longa amizade e que a colaboración entre este centro de Cangas e o CEIP A Pedra se repita con asiduidade.

GRAZAS!!!

FESTA DE NADAL

Despois de ter traballado tan duramente o primeiro trimestre, mereciamos un día de verdadeira festa. Así foi o último día de cole pasámolo xenial:
• Obradoiros de Nadal
• Visita dos Reis Magos
• Festa rachada

Ofrecémosvos a continuación unha galería de fotos para que todos podades compartir con nós un pouquiño da ilusión vivida nesta xornada.

Empezamos co Obradoiro de Maxia. O Mago Ramón volveunos sorprender este ano con novos trucos.

GRAZAS SUPER RAMÓN POR SACARNOS TANTOS SORRISOS!

O seguinte foi un Obradoiro Recreativo. A profe Goretti fíxonos pasar uns momentos moi divertidos encima das pelotas saltariñas para montar as árbores dos desexos.

GRAZAS PROFE GORE. PAXÁMOLO XENIAL!

Continuamos co Obradoiro Decorativo. Este taller foi posible grazas a Rafa, pai de Miguel de 5º B e de Gabri de 3ºA. Construímos agasallos e estrelas de Nadal con papel e sen usar en ningún momento nin pegamento nin cinta adhesiva. Para isto utilizamos a técnica chamada Origami ou papiroflexia, sendo este papá un verdadeiro especialista.

GRAZAS RAFA! FIXEMOS COUSAS PRECIOSAS!

O último foi un Obradoiro Plurilingüe. A Profe Lucía preparounos un bingo co vocabulario de Christmas. Tamén completamos e cantamos a canción do reno Rudolf, a quen finalmente decoramos.

THANK YOU TEACHER LUCÍA!

O rematar os obradoiros, fomos ver aos Reis Magos. Algúns nenos dicían que estes non eran os de verdade, pero iso tedes que xulgalo vós mesmos.

O día rematou cunha fantástica festa na que degustamos diferentes produtos navideños. Deunos tempo, tamén,para bailar e cantar.

TALLER DE EMOCIÓNS

O alumnado do 2º ciclo recibíu hoxe unha visita moi especial: Membros da aociación española contra o cancro, tiveron a ben explicarlle aos nenos e as nenas o importante que son as emocións.
A través do programa educativo "El bosque encantado" ofrecéusenos a posibilidade de formarnos e entrernarnos na xestión dos nosos sentimentos.
A través de diferentes actividades lúdicas aprendemos que non só alegría é unha emoción positiva, tamén o é o medo, a vergoña, a ira e incluso a tristeza.
Se queremos seguir xogando e aprendendo podemos ir a esta páxina web:http://www.elbosqueencantado.aecc.es

VALEU A PENA PORQUE SABEMOS MÁIS COUSAS E PASÁMOLO XENIAL!

GRAZAS!!!

POSTAIS DE NADAL

A entrada do noso cole esta chea de fermosos desexos e de incribles traballos plásticos.
Todo isto é posible grazas ao traballo de todos e cada un dos nenos e nenas, que coa axuda de seus pais, nais e de bo seguro de moitos avós e avoas fixeron as preciosas postais navideñas que enchen os paneis colocados no corredor da entrada do colexio.
Podedes pasar polo centro cando queirades. Aquí vos vai un vídeo coas postais do 2º ciclo.

FELICES FESTAS!!!

Personalize your own slideshow design

CROSS ESCOLAR

ÉXITO DO DEPORTE EN BUEU
O pasado venres, 9 de decembro, tivo lugar no campo de fútbol da estacada un croos escolar no que participaron todos os centros de primaria do concello de Bueu.
O colexio de "A Pedra" participou masivamente, obtendoo algún podium en todas as categorías tanto feminina como nasculina.
No segundo ciclo a nosa compañeira María Brocos obtivo a terceira posoción e Lucas Cabaleiro resultou segundo. Todos, absolutamente todos, os participantes foron merecedores de subir ó podium polo seu esforzo e entrega.

NORABOA A TOD@S!!!