VISITA Á ASOCIACIÓN JUAN XXIII

O pasado xoves foi  a quenda dos terceiros en visitar a Asociación Juán XXIII en Cangas. É un centro ocupacional de día para persoas discapacitadas. 
Nada máis chegar recibiunos Tere, a directora do centro. Tiña preparado un power point sobre a discapacidade, interactuando co noso alumnado chegamos á conclusión de que as persoas que aínda non coñecíamos, non podían, non sabían, non...non....Porén de contado pensarían doutra maneira. 
Visitamos todos os espazos do centro con total normalidade, e comprobamos como era a súa vida cotiá. 

Chegou a hora de merendar, facía un día solleiro, sacaron as porterías e veña todos a xogar un partido de fútbol. 
SIIIII!

Foi un día fantástico, e o mellor de todo foi que entramos cunha mentalidade antiga e saimos cunha mente moitísimo máis aberta. Fixemos novos amigos e amigas, que nos ensinaron QUE PODEN, QUE SABEN facer unha gran variedade de actividades. Que só necesitan unha pequena axuda e que alguén lles ensine como facelo. Porque nesta vida o que hai que ter son GANAS, ganas de aprender día a día, ganas de vivir e ser felices. Porque as persoas que coñecemos non son tan distintas a nós, enfádanse, rin, bailan, xogan, cantan... 

Pero aí non rematou a xornada, a derradeira actividade era a máis emocionante de todas. Puidemos participar en dous talleres e ensináronnos a cociñar filloas, a facer xogos de madeira na súa carpintaría, a facer alfombras, a traballar coas emocións e coa memoria, como se manteñen en forma e a usar a linguaxe de signos.
 
Saimos encantados da experiencia!!! Grazas a todos e a todas por deixarnos compartir con vós un día tan tan bonito. 
Botade unha ollada aos diferentes vídeos. 






TALLER DE MEMORIA.



TALLER DE EMOCIÓNS.



TALLER DE MANUALIDADES



TALLER DE MANIPULADOS



TALLER DE COCIÑA



TALLER DE COMUNICACIÓN



CARPINTARÍA



MANTENEMENTO FÍSICO



TALLER DE COCIÑA




E xa como despedida, repartimos os nosos agasallados.

                        " TODO PARECE IMPOSIBLE,
                   HASTA QUE SE HACE"
                                             NELSON MANDELA


                         MOITAS GRAZAS!!

VISITA AO CENTRO OCUPACIONAL JUAN XXIII DE CANGAS

O pasado xoves, 17 de marzo, o alumnado de cuarto fomos coñecer o centro Juan XXIII de Cangas. Trátase dun centro ocupacional  e de día para persoas con discapacidade.

Recibiunos Tere, a directora do centro, que tras facernos  unhas preguntas, comprobou que tiñamos unhas ideas moi anticuadas sobre o concepto e tratamento da discapacidade. Propúxose entón cambiar a nosa mentalidade, primeiro cun power point de concienciación e posteriormente cunha visita as instalacións  e para,  finalmente convivir nos distintos talleres cos usuarios e usuarias do centro así como cos monitores e monitoras. Cada un de nós pasamos por dous obradoiros: 

• Carpintería
• Manipulados (Elaboración de alfombras)
• Cociña
• Mantemento físico
• Taller de memoria
• Taller de comunicación
• Manualidades
• Taller de emocións

Creo poder falar en nome de todos se vos aseguro que foi sen dúbida a mellor das saídas que fixemos. Primeiro porque aprendemos a respectar e  admirar a estas persoas e segundo porque nos divertimos montón. 

Agradecementos a Tere, Alejandra, Ana, Sara, Salva, ... tamén a Rober, Isaac, Jorge, Jacobo, Pacos, Beli, ... e tantos e tantas outras que dende agora, sodes os nosos amigos e amigas.

Ah! Por se non quedou claro a nosa mente cambiou por completo tras este día. Agora sabemos que os usuarios deste centro saben facer moitas cousas moito mellor que nós. Poden construír obxectos para que sexan útiles para outras persoas, e poden aportarnos moito para que nós sexamos mellores.

8 DE MARZO " DÍA DA MULLER TRABALLADORA

O 8 de marzo , tivemos a sorte de recibir no  noso cole a dúas supermulleres da nosa vila, con motivo de celebrar o día da muller traballadora.

Todos e todas queriamos ser Noa ou Ari, pois eran as súas avoas as que viñan a relatarnos as súas experiencias como mulleres traballadoras. 

Maricarme e Cachito relatáronnos como dende moi novas tiveron que convinar o traballo na casa co traballo fóra dela, non sen grandes dificultades. Ambas mostráronse como grandes defensoras do sexo feminino e declararon sentirse moi orgullosas de vir ao noso centro a representar aos millóns de mulleres que están nas súas condicións.

A avoa de Ari traballa en Pontevedra nun Centro de Saúde e síntese moi satisfeita de axudar a que a xente mellore a súa saúde.

A avoa de Noa traballa en Bueu, na Oficina de Correos, e

confesounos que a época que máis lle gusta é o Nadal, cando os nenos e nenas lle escriben as cartas aoe Reis Magos.

 Quedamos felices coa exposición que nos fixeron das súas vidas, así como das respostas que nos deron á infinidade de preguntas que lles fixemos.

A verdade é que as avoas de antes non son como as de agora. 

Mirade que guapas, xóvenes e modernas son!

Uns días máis tarde tivemos a sorte de recibir a Luci, a avoa de María. Contounos tamén a súa experiencia. Foi duro escoitar que con só trece aniños tivo que empezar a traballar en Vigo. 

Actualmente traballa nun hotel en Cangas e séntese moi satisfeita co seu labor. Impresionounos como dobraba as toallas. Era quen de facer coelliños, cans... 

Nos vídeos que podedes ver a continuación recóllense partes dos emotivos momentos que puidemos vivir nesta xornadas. Esperemos que estas experiencias se repitan moitas outras veces.

Visita á Galiña Azul.

  Hoxe 24 de febreiro, o alumnado de terceiro do CEIP  "A Pedra"  fomos visitar aos nenos e nenas de 2 a 3 anos, do centro de educación Infantil "A Galiña Azul" de Bueu.
 "Os maiores" estabamos moi ilusionados por poder pasar un ratiño cos pequenos, e estes quedaron abraiados cando chegamos, pois non están acostumados a ver tanta rapazada na súa aula.
 Xa levábamos uns días preparándoo todo. Escollemos, con moito agarimo, os contos que lles iamos ler: "As cores de Elmer", "Os bolechas", "Onde está o meu coelliño", "A bruxa Brunilda", "Onde está a neve", "A granxa" ...e outros moitos e os pequeniños gozaron un montón mentres lle leiamos.  Tamén nos días previos á visita fixemos na aula un pequeno agasallo e llo entregamos ao final, antes de voltar ao colexio. Eran unhas "gafas máxicas" para poder viaxar polo mundo dos contos. Ese universo fantástico e marabilloso, onde podemos atopar monstros, fadas, fantasía, amor, amizade, aventuras, diversión, risas e outras moitas cousas máis.
Algúns  atopamos alí aos nosos irmáns, curmáns ou veciños e ... outros, que nos temos a sorte de gozar a cotío da compaña dos máis pequechos, notamos coma un sentimento de inmensa tenrura espertábase en nós.

Pasamos un tempiño moi agradable!

ENTROIDO 2016

Este ano foi rematar o Nadal e xa decidir o disfraz do entroido.  Co gallo do noso proxecto espacial, no noso ciclo acordamos ir de Alieníxenas. Foi moi sinxelo e divertido porque cada un de nós elaborou o seu propio disfraz ao seu gusto. Levamos dous, tres, catro..ollos, dintintas bocas e para rematar unhas estupendas antenas de cores con ollos na cabeza. 

UUUUuuuuuuu que medooooo!!

 Foi un entroido moi espacial porque había lúas, estrelas, planetas do sistema solar e ata os personaxes de Star Wars nos viñeron visitar.

Este ano sí que o tempo nos permitíu participar no tradicional desfile polas rúas de Bueu. Completamos o percorrito ata chegar á Praza do Concello e alí todo o alumnado de 3º e 4º cantamos o noso Rap Espacial. 

Chegamos nunha nave

pero ninguén o sabe,

podes vernos agora

que estamos todos fóra.

Nós vimos de Orión

que mola mogollón

coa máquina do tempo

chegamos nun momento.

Algúns vimos de Marte

e queremos animarte,

axudarte a investigar

o  espazo sideral.

RETROUSO

De Andrómeda viñemos

por un burato negro

nun “plis plas” chegamos

e con vós quedamos.

Agora chega o turno

dos que vimos de Saturno

somos máis de vinte

e chegamos nun intre.

RETROUSO

A un polbiño atopamos

Que Papirus chamamos

Falounos un montón

Dun cole moi molón,

Contounos que na Pedra

Están a investigar

E sobre o espazo

Queren todo pescudar.

RETROUSO

Os extraterrestres

Queremos axudar

E tanto traballo

Imos recompensar

Subide a nosa nave

ímosvos convidar

a facer una viaxe

una viaxe estelar

10-9-8  que medo!!!

7-6-5  que emoción!!!

4-3-2 Preparados

1 cerooooooooooooooo!!!

Ao rematar o desfile continuamos de troula nas aulas, compartindo cos compañeiros e compañeiras os produtos típicos desta época, filloas,orellas... Que larpeiros somos!! Mmmmmmm!!
 Estaba todo boísimo. Unha vez máis moitas grazas ás familias pola vosa colaboración.

Aquí tendes uns vídeos como mostra do ben que o pasamos ese día. 

SAÍDA A PONTEVEDRA

Cando aínda tiñamos tan recente o DÍA DA PAZ e a só dous días da celebración do ENTROIDO, todo o alumnado de terceiro e cuarto fomos a Pontevedra.

Están tolos os que din que o cole non mola!

Pois así foi. Na capital da nosa provincia visitamos primeiro o "CAFÉ MODERNO"  , un edificio espectacular, recentememte reformado,  que garda dentro das súas paredes gran parte da historia do século XX da cidade. Castelao, Bóveda, Ramón Cabanillas, Paz Andrade, Carlos Casares, Laxeiro, ... foron algúns dos intelectuais que frecuentaban este local. 

Tras coñecer as estancias do edificio, realizamos un pequeno obradoiro no que tratamos de imitar ao arquitecto, Álvaro Siza, quen dirixiu as obras de restauración  recentemente.

Ante un impresionante cadro de Laxeiro.

 

 

 

Finalizamos a nosa estancia en Pontevedra acudindo a un espectáculo de Música no auditorio que Afundación  ten na cidade. Aquí si que o pasamos ben! O grupo de percusión "Odaiko" co seu espectáculo: "Cousas de Catro", fíxonos interactuar, gozando todos uns momentos inesquecibles.

 

 

Ao rematar o espectáculo, os artistas permitíronnos fotografialos.

DÍA DA PAZ

O pasado 30 de xaneiro,celebramos no cole o Día de Paz. 

Aínda que todos sabemos que debemos vivir a PAZ cada momento das nosas vidas, gústanos vivir esa xornada dunha maneira especial.

Pero, o día da celebración non foi máis que o remate final a unha serie de actividades que levamos a cabo durante todo un mes. Todo comezou cando os nosos profes nos leron:

O homiño desta historia propúxonos que buscaramos noticias que falaran das cousas boas que o ser humano é quen de facer. Así o fixemos, trouxemos revistas e xornais e buscamos e reelaboramos esas novas que nos falaban dun mundo mellor:

Algunhas destas novas foron:

Todas estas noticias foron expostas no mural da entrada do cole. Sendo este o resultado final:

O homiño de papel, prometeunos que se buscabamos esas boas novas nos permitiría ver o que había dentro dunha caixa máxica e que era, sen ter ningún tipo de dúbidas o máis importante do mundo. Todos, sen excepción, dixemos que queriamos ver iso TAN IMPORTANTE! 

O que había no fondo da caixa era un ESPELLO! 

Esta son as caras de sorpresa que poñiamos ao saber que ERAMOS :

NÓS!

ENTREVISTAS

Nas aulas de cuarto, andivemos estes días pasados traballando   "AS ENTREVISTAS " , como tipo de texto.
 Aprendemos que se trata dun formato dialogado pero que ten diferenzas cun simple diálogo do texto narrativo e que tampouco é igual ao texto teatral. Soubemos que podía ter forma escrita ou oral, e que se emprega moito nos xornais, revistas, televisión ou radio
O cumio do traballo tivo lugar cando nós tivemos que facer de entrevistadores.
A maioría fixémolo só de forma escrita pero Brais, Jorge e Helena decidiron tamén gravalo. 
Aquí tedes o resultado:

CIENCIAS NATURAIS E SOCIAS

Durante o primeiro trimestre os alumnos e alumnas de 3º estivemos varias veces na aula de Ciencias realizando varios experimentos; sobre os cinco sentidos, realizando un  volcán e observando a graxa dos alimentos. Aquí tendes un pequeno vídeo como mostra do ben que o pasamos.

                                 Expirementando cos alimentos.

Co gallo do noso proxecto sobre o espazo, na área de ciencias sociais durante o primeiro trimestre traballamos por equipos os planetas, os meteoritos, as constelacións, os satélites artificiais e naturais, algúns astronautas importantes... e todo o que eles quixeron indagar sobre o noso Sistema Solar. Aprendemos que a mellor forma de aprender, é buscar a información, resumila e logo compartila oralmente cos nosos compañeiros. Así entre todos realizamos unha aprendizaxe significativa moi divertida e dinámica. 


                         

                          

                           

 Agora xa estamos a argallar o noso seguinte proxecto, as plantas.
 Da gusto traballar así con nenos e nenas tan motivados. ;)

                                          PARABÉNS!

OBRADOIROS DE NADAL

Como todos os anos por estas datas o espíritu do Nadal chega tamén ao noso centro, e con el a ilusión de todos os nenos e nenas. 
Decoramos o noso Bibliocastelo, as aulas, os corredores e como sempre Ramón e Martín montaron o fabuloso Belén.

 Son épocas de panxolinas, de celebracións, de vacacións...pero antes rematamos cos tradicionais obradoiros de Nadal. Este ano no noso ciclo fixéronse:

• Obradoiro Decorativo. A cargo da profe Luisa.
• Obradoiro Medio Ambiente. A cargo da profe Silvia.
• Obradoiro Plurilingüe. A cargo da profe Rebeca
• Obradoiro do Espazo. A cargo da profe Lina.

Entre todo o alumnado do centro fíxose unha postal na entrada do colexio co lema dunha nena de 3ºB, Andrea " Por un universo onde o sol quente a todos por igual".

3ºA

3ºB
 

4º A

Velaquí tedes uns vídeos como mostra to ben que o pasamos ese día. Dende aquí queremos desexar a todas as familias unhas moi Felices Festas de Nadal.

3ºB

VISITA AO MUSEO MASSÓ

Como nos gustan os días previos as vacacións!

 No cole respírase outro aire, os profes reláxanse,  e, polo xeral, saímos das rutinas dos días normais.

Así o pasado mércores 16 de decembro fomos visitar o Museo Masso.

O obradoiro chamábase:  "Mensaxe nunha botella" e o obxectivo do mesmo era concienciarnos da importancia dos océanos no noso planeta. 

Estivemos moi atentos porque era un tema que tratamos recentemente na escola. Ademais toda a información foi presentada con diferentes xogos e enigmas. Rematamos metendo mensaxes ecoloxistas dentro dunha botella.

Ao saír visitamos tamén a exposición de produtos artesanais elaborados polo alumnado do "CEE Juan XXIII"  de Cangas,. Un alumno explicounos como se organizaban para crear esas bonitas alfombras, as orixinais cadeiras ou os útiles marcapáxinas.

Xa de volta ao cole paramos diante da nosa querida e archicoñecida macroescultura do artista "José solla", onde nos sacamos esta última foto: