sábado, 17 de marzo de 2012

GRAZAS RAMÓN !


O noso mago Ramón colleu a súa variña máxica e CHIS CHAS ... converteuse no profesor Ramón.
Os nenos e nenas de 3º estábamos a estudar as plantas na área de coñecemento do medio. Así que Ramón ofreceunos unha clase maxistral ao aire libre, que nos fixo saír da rutina diaria.
Ensinounos moitas cousas interesantes no xardín do noso cole. As difencias entre as plantas herbáceas e plantas leñosas. Cómo se reproducen as plantas, incluso levamos para as nosas clases varias plantas con escallos de hortensia e outras.
Colleu diferentes plantas e ensinounos varios olores. E para finalizar a clase, o máis divertido!!! Escollemos a semente que nós quixemos e plantámola nós mesmos no envase.
Que contentos íamos coas nosas plantiñas!!!!

GRAZAS RAMÓN POR COMPARTIR CON NÓS A TÚA SABEDORÍA. FOI UN PRACER!!


jueves, 15 de marzo de 2012

ROBIN HOOD


O pasado 7 de marzo, os alumnos e alumnas do 2º e 3º ciclo do colexio "A Pedra" acudimos a ver unha obra de teatro ao auditorio dos Salesianos de Vigo.
Calquera saída do colexio é para nós un motivo de emoción e esta non era para menos. A obra era en inglés e sempre temos a incertidume de si entenderemos ou non.
A realidade foi que non só entendemos todo senón que tamén nos divertimos un montón. Era a historia de Robin Hood, que nós xa coñeciamos e que ademais traballáramola nas clases de inglés.
Os actores eran fantásticos e mantuveron a nosa atención durante todo o tempo.