miércoles, 30 de enero de 2019

CANTA GRAXA TEÑEN OS ALIMENTOS?

Dentro do proxecto de alimentación que o alumnado de terceiro levaron a cabo este primeiro mes de xaneiro,  fixeron un experimento para saber que alimentos levan máis graxa. 
Estaban  moi nerviosos porque ademais ían inugurar a nova aula de ciencias. 
Primeiro seleccionaron unha serie de alimentos: Queixo, augacate, pan, mazá, iogurt, manteiga, leituga, ...
Despois sobre un folio, ían manchando co alimento elixido:









Finalmente colocamos os folios nas ventás das nosas clases. 
                           
Ao día seguinte comprobamos que increíblemente o queixo ten moitísima graxa. Tamén observamos que o aguacate tamén contén moitísima pero as profes nos explicaron que ao ser graxa vexetal era máis saudable e que o podiamos usar perfectamente como fonte de enerxía. 

domingo, 27 de enero de 2019

INAUGURACIÓN DO NOVO BIBLIOCASTELO.

O mércores, 16 de xaneiro foi o día no que o alumnado de terceiro e cuarto tivemos a sorte de entrar por primeira vez no novo BIBLIOCASTELO.
Os ollos non cabían dentro da nosas caras cando entramos e vimos que ademaís da renovada zona de libros e ordenadores, se engadían agora recunchos de música, táblets, mesa interactiva, plástica, parede de legos ou zona de xogos de mesa e de disfraces. Comprobamos tamén que a aula de ciencias quedaba integrada alí e que o corredor exterior formaba parte  do bibliocastelo.
A profe Lina foi a nosa guía:








A xornada rematou cunha sesión de maxia. Outra vez o MAGO RAMÓN, volveu a sorprendernos co seus fantásticos trucos de maxia.








Nas seguintes imaxes podedes comprobar como, xa. en días posteriores, gozamos de todas novidades.













O alumnado de terceiro e cuarto queremos dar
AS GRAZAS, a todas as persoas que fixeron posible que poidamos gozar desta fantástica biblioteca.

sábado, 26 de enero de 2019

EXCURSIÓN A VIGO

O pasado 23 de xaneiro, o alumnado de terceiro visitamos a cidade de Vigo.
Tras deixarnos o autobús NA PORTA DO SOL, sacámonos esta foto de grupo diante do famosísimo DINOSETO.
Seguindo os pasos da profe Bea, que se coñece Vigo ao dediño porque é natural desta cidade, metémonos dentro do casco histórico, pasando por debaixo dun arco da antiga muralla. Alí fomos conscientes da diferenza coa cidade nova, pois as casas eran todas de pedra e  baixas e as rúas máis estreitas. 

Pasamos pola prazas da Princesa e  da Constitución. Vimos a Concatedral co seu reloxo de Sol e o Olivo, símbolo de Vigo, diante da súa fachada.

Impresionounos estar diante da casa, onde hai máos de 150 anos,, cando era unha imprenta, se editou o primeiro exemplar de CANTARES GALLEGOS, de ROSALÍA DE CASTRO. As profes faláronnos con emoción da ilustre escritora galega e nós sentímonos orgullosos de coñecer este lugar.


Despois de merendar dirixímonos a NATURNOVA, debemos dicir que nos encantou todo: O submariño, a sala do Universo, a do planeta Terra e a do home e o seu medio. Gozamos escoitando aos guías que nos foron explicando todo de xeiro moi entretido pero sobre todo nos gustou, poder tocar, manipular, experimentar por nós mesmos.

Antes de rematar esta crónica, queriamos dar as grazas a Raquel, profe de prácticas do noso cole cando estabamos en Educación Infantil, pois tivemos o honor de contar coa súa presenza neste inesquecible día.

No vídeo poderedes comprobar o ben que o pasamos:



jueves, 17 de enero de 2019

1ª XUNTANZA DE PELOUROS

O pasado de martes, co gallo da inauguaración do novo Bibliocastelo, os PELOUROS, que este ano están en 6º de E. Infantil, viñeron ao cole dos maiores. 
Aproveitaron a ocasión para vir visitar ao alumnado que este curso estamos en terceiro e que fomos, no seu día, tamén PELOUROS, e alumnos e alumnas da profe TOÑI.
Cedémoslles as nosas cadeiras, as compartimos ou os sentamos no noso colo. Tiñámoslles un debuxiño para cada un e lle contamos o conto do PIRATA DE LATA.

Resultado de imagen de pirata pata de lata
A próxima vez, queremos ser nos quen vaiamos visitalos ao centro de E. Infantil, para poder revivir os fermosos momentos que alí pasamos.

jueves, 3 de enero de 2019

PROXECTOS 4º


Neste primeiro trimestre en 4º estivemos traballando en dous proxectos. 
Por unha banda en ciencias sociais indagamos sobre todo o que sabemos sobre A AUGA, e así chamamos a este proxecto. Cada un elaborou un libro en cartolina con distintas lapelas. Mirade todo o que sabemos; os ríos de Galicia, os principais ríos de España, o ciclo da auga e os seus estados, os cursos do río e por último o vocabulario relacionado coa paisaxe de costa e coa paisaxe de interior. Todos os luns na aula de informática traballamos todo esto cos mapas flash interactivos.
 Na aula fixemos entre todos o noso mural, no que por equipos realizamos distintas actividades; indagamos onde nacen, onde desembocan e canto miden os principais ríos de Galicia e de España, debuxamos as distintas paisaxes de costa e de interior con definicións do vocabulario, debuxamos e explicamos o ciclo da auga e os seus estados... En fin, que aprendemos moitísimo sobre a importancia da auga na Terra. E para rematar elaboramos un xogo entre todos, un TRIVIAL, formulamos preguntas curtas tipo test coas súas respostas para xogar na aula e repasar todo o que sabemos dunha forma lúdica.
Mirade que ben o pasamos, recortando, pegando, buscando imaxes e información e elaborando o noso libro. 
























Non hai nada como aprender xogando!

 Por outra banda, en ciencias naturais despois de realizar a asamblea de aula, escollemos traballar As enfermidades. Ese foi o noso segundo proxecto. Votamos e a gran maioría quiso facer unha presentación dixital. Por parellas escolleron que enfermidade traballar. Como é habitual fixemos unha lista de todo o que sabíamos sobre o tema e o que nos gustaría saber. E aí empezamos a indagar e aprendemos todos de todos expoñendo oralmente aos nosos compañeiros. 
Da gusto velos traballar así, sendo eles os protagonistas da súa propia aprendizaxe e as profes pasando a un segundo plano facendo de guía.

 En 4º B tamén traballaron as enfermidades. Por parellas e por equipos escolleron distintos temas relacionados coa saúde. En diferentes cartolinas fixeron as súas presentacións, algunhas moi orixinais, incluindo xogos. Mirada que ben quedaron!











MOI BO TRABALLO! ;)








FIN DE CURSO 2019

O pasado venres 21 de xuño festexamos a tan ansiada festa de fin de curso. Empezamos coa entrega de premios de Dinamización do tradicional ...