NADAL 2013

                                       NADAL 2013


Co gallo do Nadal, o venres 20 de decembro celebramos os tradicionais obradoiros. E como todos os anos, pasámolo xenial! Cantamos, bailamos, xogamos, comemos...e ata viñeron visitarnos os Reis Magos.


Dende o CEIP PLURILINGÜE A PEDRA queremos desexarvos un  FELIZ 2014.

E como mostra do ben que o pasamos...

LUNA

ADIVINA ADIVINANZA

Su boca es cuarto menguante,

cuando ríe,

O luna llena,

cuando atiende.

Pero Luna no es un satélite

que Luna es un sol.

A veces es tortuga elegante,

a veces lento caracol,

pero con su mente vuela

y llega donde no llego yo.

Pero luna no es un satélite

que Luna es un sol.

Siempre con la sonrisa en la cara

y sus ventanas abiertas de par en par

mira, maravillada la vida pasar

y la vida, a ella, la ve llegar.

Pero Luna no es un satélite

que Luna es un sol.

Un sol que alumbra

pero no ciega.

Un sol que calienta

pero no quema

Para llegar a esta Luna

no tienes que ser astronauta,

solo tienes que ser alegre

y tener buen corazón.

Porque Luna no es un satélite

que Luna es un sol.

SOLUCIÓN

Mi querida alumna,

la sin par Luna.

Luna , Lúa, Luiña, Lueira, os teus compañeiros e compañeiras,e os teus profes desexámoste toda a sorte do mundo nesta nova andaina que comezas co novo ano.

BO NADAL E FELIZ 2014

Con estes bonitas postais, recollidas de entre outras tan fermosas, o alumnado de 2º ciclo deséxanos que pasemos estas festas ao lado dos nosos seres queridos, e que o próximo ano sexa máis xusto e mellor.

"Por un mundo máis xusto no que esteamos todos máis a gusto"

" O mellor Nadal é o que sintes  no teu corazón"

"Desexo que este ano que entra veña cheo de verdade, paz, xustiza e ningunha dor"

" O lugar máis bonito do mundo é aquel onde tes a alguén a quen querer e alguén que te queira"

Powered by Issuu

Publish for Free

Powered by Issuu

Publish for Free

VISITA AO MUSEO MASSÓ

   Sempre que recibimos a noticia de que imos saír do cole é un motivo de alegría. Ir a un museo en Bueu non nos parecía a mellor das ideas. Se nos preguntaran diríamos que preferiríamos ir en autobús a calquera lugar. Pero menos da unha pedra.

   Pois iso, o pasado xoves, 21 de novembro, o alumnado de 4º e o venres 25, o alumnado de 3º fomos a un "Obradoiro sobre as Baleas" ao Museo Massó da nosa vila. O sorprendente foi, que aparte de aprender moitas cousas sobre este mamífero mariño, pasámolo xenial facendo, coa técnica de collage, uns murais sobre a caza e sobre as baleas en liberdade. Hai quen oíu dicir a algún compañeiro que esta fora a saída que máis lle gustou en moito tempo.

   É importante salientar que a nosa conciencia ecoloxista reforzouse tras escoitar que a caza deste xigantesco cetáceo estivo a punto de acabar coa especie. O alumnado DE 2º ciclo do CEIP A PEDRA a unha soa voz gritamos:

NON Á CAZA DAS BALEAS!

CHEGOU O SAMAÍN!

Como todos os anos chegou ao noso cole o Samaín. 
a ENTRADA DO COLE VOLVEUSE ENCHER DE TERRORÍFICAS CABAZAS. Este curso o noso proxecto "Entre Viñetas" está relacionado cos Cómics, polo que todos trouxeron os seus cabazos decorados dun personaxe. A orixinalidade das familias sempre nos abraian : Mortadelo e Filemón, Asterix e Obelix, Spiderman, Doraemon, Xerónimo Stilton...

 Nas aulas, entre todos elaboraramos o noso peor pesadelo, que penduramos no mural da entrada, no Castelo do Pesadeloooo.

Unha vez máis, agradecer ás familias a súa colaboración porque sen vós nada disto sería posible.

  Deixámosvos, a continuación, un vídeo coas imaxes recollidas ao longo da semana.

ANIVERSARIO DE PAPIRUS 2013

O aniversario da nosa mascota estase a converter, xa, nun dos días preferidos do cole. Cada ano nos sorprende cunha nova celebración.

O alumnado do 2º ciclo fomos invitados, igual que o resto de nenos e nenas, a ir á sala de usos múltiples. Os profes  explicáronos que este ano Papirus non ía estar con nós porque se atopaba moi ocupado gravando o disco da súa canción. No seu lugar léronnos unha carta.

Na carta, o noso amigo, dicíanos moitas cousas. Contaba que, cando se atopou soíño nas vacacións, empezou a remexer na biblioteca e atopou moitos debuxos del. Daquela, decidiu facer un vídeo da súa historia para que todos puideramos coñecelo mellor. Este é o resultado.

A que mola?
Tamén nos contou que, unha vez tivo rematado este traballo, saíu a explorar mundo e que chegou a outra biblioteca escolar, a do "CEIP O Carballal de Marín". Coñeceu alí as mascotas que viven alí:  As tartarugas Tambo e Onza e a un Choco, sabio e moi velliño, chamado Catro Ollos. 
Con eles, viviu unha apasionante aventura que está recollida nun cómic  ilustrado por Trassiwolf, un prometedor xoven estudiante de Belas Artes  . Prometeunos que nunhas poucas semanas poderiamos ter un exemplar do mesmo na nosa aula.
Neste colexio de Marín tamén coñeceu a Víctor, o profe de música. Fixéronse tan amigos que cando se despediron, Víctor sorprendeuno co mellor agasallo que puidera imaxinar:

 A canción de Papirus.

Nun castelo de pedra gris vivía un polbo cacholán,
baixo as augas con “Catro Ollos” facía contos sen parar…
Tiña longas guedellas que peiteaba coa man
pachorrento, agarimoso, ailalelo, ailalá…

No “Can do Penedo” a lontra contou
unha morea de historias e a gorxa secou…
Bebeu a escachar mentres o mar desalagaba
e a tropa de peixes máis abaixo acampaba…

O polbo non se moveu
Achou un leito con forma de poza…
Alí por moitos anos esmoreceu…

PAPIRUS TEN TRES CORAZÓNS:
CON UN AMA A COCOROLA
CON OUTRO Á VILA DE BUEU
E O TERCEIRO ESTÁ COS LIBROS…

Un bo día bocexando estricouse e espertou.

Os seus ollos viron contos, moitos nenos e algún Mac…

Cando a Lúa saíu, foi de rolda e revolveu.

Aquilo era unha biblio ailalelo ailalá…

A dire entrou, estaba todo espallado.

O conserxe foi correndo moi alporizado.

Buscaron o culpábel e miraron cara o ceo

e deron con Papirus que dixo todo cheo: 

pendurado nesta rede de pelo

serei servidora mascota:

Benvidos sodes todos a BiblioCastelo…!!!

Finalizamos a celebración indo para a biblioteca. Ali diante do fabuloso mural pintado polo artista David,  cantámoslle todos xuntos a canción, que xa todo o colexio coñece. 

BENVIDA A CHEGADA DUN NOVO CURSO

Chegou o momento de comezar!

                                               

       AULA DE 3º A

AULA DE 3º B

AULA DE 4º A

AULA DE 4º B

LIBRO VIAXEIRO

Lembrádesvos de Martiño e de Rosiña? Como acabou a aquela historia que  axudamos a construír? 
Pois aquí está o resultado final desta 

"AVENTURA MONSTROSA"

 da que somos autores todos os nenos e nenas do 

"CEIP PLURILINGÜE A PEDRA".

UNHA AVENTURA MONSTROSA

Publish at Calameo or read more publications.

BIBLIOCASTELO A PEDRA: GUÍA DE LECTURAS REFRESCANTES

Sabedes que Papirus sempre nos da bos consellos. Lede con atención o que nos propón que leamos este verán.
BIBLIOCASTELO A PEDRA: GUÍA DE LECTURAS REFRESCANTES

EXCURSIÓN A OURENSE/ ALLARIZ

Por fin chegou o día ! 

Dende o comezo do curso, e máis aínda dende que as profes nos confirmaron lugar e data estabamos desexando que chegase esta saída.

Ese día non fixo falta que nin mamá nin papá insistisen para que nos ergueramos da cama. A mañá estaba preciosa. Despois dun montón de días grises, o sol brillaba con forza.

O que máis nos facía ilusión eran as Termas de Ourense.  Moitos de nós xa foramos, pero outros moitos non.   Non nos decepcionou. Todo o contrario. Pasámolo xenial! Dunha poza a outra sen parar. A pesar da calor, todos preferiamos as pozas quentes. Sinceramente se nos tiveran preguntado quedariamos toda xornada alí.

Fomos xantar a Allariz, a beira do río Arnoia, e despois pasamos a tarde visitando o Museo dos Xoguete, do Liño e o Festival de Xardíns.

O día rematou demasiado cedo. Pero tamén debemos dicir que estabamos esgotados.

Unha mención especial para os nenos e nenas de cuarto que rematan ciclo. Desexamos que a vosa estadía neste segundo ciclo estea chea de boas lembranzas. 

BOTARÉMOSVOS DE MENOS!

VISITA DE PAULA CARBALLEIRA

O mércores 12 de xuño estivo no noso centro a autora do libro "Boas Noites" de Paula Carballeira. 

Estivemos falando do libro e díxonos que era un dos seus libros favoritos, xa que era de teatro. Desde moi pequena gostáballe representar e escribir obras de teatro.
 
 Os nomes dos personaxes do libro son inspirados en xente coñecida, procura sempre meter nos seus libros a súa familia, amigos, coñecidos...

Sempre lle gustou ler contos de medo, de misterio e de suspense, por iso escribe sobre eso. Leva escrito o redor de 22 libros.

A Paula encántalle contar contos polo que nos regalou en directo un dos seus contos.

" Xan e Xiana, dous irmáns que vivían nunha cabana no medio do monte. Xan era moi moi valente e non tiña medo a nada e Xiana sempre lle dícia que calara polo que poidera pasar...." 

O conto foi moi moi divertido e nós escachamos coa risa. Fíxonos partícipes do conto, cantando e representando a Xan e Xiana.
Premede na imaxe para disfrutar dun anaco do conto, para que vexades o ben que o pasamos.

Para rematar mostrámoslle os libros que fixemos na aula os alumnos de 4º A e 4ºB. 
4ºA elaborou un libro con resumos e banda deseñadas, porén 4ºB fixo dous libros;" Os monstros" e "O meu peor pesadelo".

MOITAS GRAZAS PAULA, PASÁMOLO XENIAL!!!

LIBRO   " BOAS NOITES "  DE PAULA CARBALLEIRA


Os nenos e nenas de 4º B representamos na clase todos os capítulos deste entretido libro. Botamos moitas risas, e por uns minutos sentímonos como verdadeiros actores e actrices. Comprendimos o difícil que é esa profesión porque teñen que memorizar longos textos e repetilos moitísimas veces ata que lles saen ben. Non foi o noso caso porque nós estivemos lendo, eso sí entoamos e xesticulamos todo o que puidemos.

Cando iamos rematar o libro decidimos gravar un capítulo, e encantounos a experiencia polo que faremos máis vídeos. Aquí tendes un adianto.

VIOLETA MONREAL

                O pasado xoves 6 de xuño chegou ao noso cole Violeta Monreal. Os primeiros en recibila foron os nenos e nenas do primeiro ciclo, e tras eles fomos nós. E como se estivesemos nunha obra de teatro, empezou a función. Traía unha maleta pequena cargada de distintos papeis de cores, daba igual que papel utilizase, porque como se tratase dun truco de maxia, calquera dos papeis que empregaba semellaba que cobraban vida. Quedamos abraidos como se podía debuxar coas mans, ía rasgando cada papel e ía dándolle forma. 
              
               Regalounos en directo uns dos seus marabillosos collages en cartulina. Para o noso ciclo, fixo un cabalo sobre unha montaña pequena chea de flores, e todo dentro dunha orla. O resultado acadado foi espectacular. 

               Mentras ía traballando, foinos ensinando a importancia de aprender a aprender, de esforzase, de traballar un pouquiño máis cada día e de correxirnos nós mesmos.  Explicounos a diferenza entre un cerebro blando e outro ríxido cun anaco de plastilina.

              Antes de marchar deunos un agasallo pequeniño a cada un de nós, era algo moi especial para pegar nos nosos libros. Encantounos!!
Nós tamén a sorprendemos cantando "Cumpreanos feliz", porque xusto ese día era o seu aniversario.

             E para rematar só temos que dicir grazas. Grazas por compartir con nós o teu tempo e grazas por mostrarnos o teu arte. Ata pronto Violeta!

Aquí deixamosvos un vídeo das dúas sesións, do primeiro e do segundo ciclo, esperamos que vos guste.



 

CATÁLOGO DE SOMBREIROS PAMELA PANAMÁ

Despois de pasalo xenial lendo o primeiro libro da saga "Pamela Panamá" titulado 
"Pamela Panamá ya no Cree en los Cuentos de Hadas"
 ao alumnado de terceiro ocorréusenos facer este 

Catálogo de Sombreiros,

 onde ademais de desenvolver a nosa imaxinación confeccionando os diferentes modelos, tivemos que esforzarnos por facer unhas correctas descricións dos mesmos. Ademais tivemos que reflexionar sobre que cousas que no teñen valor monetario nos parecen importantes, para poñerlle un precio ao noso sombreiro. O próximo xoves, 6 de xuño, 

Violeta Monreal, 

autora do libro, virá ao noso cole. Estamos desexando coñecela e mostrarlle o catálogo. Tamén nos gustaría que lle botarades unha ollada na casa. 

QUE VOS PARECE?

Powered by Issuu

Publish for Free

VISITA DE FRAN ALONSO

 

O pasado mércores, os nenos e  nenas de terceiro de primaria acompañados polo alumnado de quinto tivemos a sorte de coñecer a Fran Alonso na biblioteca do noso cole.

   A verdade é que estabamos moi ilusionados pois durante este curso estivemos lendo os seus poemas. Nós lemos "  O meu gato é un poeta" que resultou ser un libro máxico porque cada poema que liamos incitábanos a escribir o noso propio.

   O autor mantivo a nosa atención recitando os seus poemas e utilizando dende globos ata diferentes bonecos, subíndose enriba das cadeiras ou mesturándose entre nós.

   Rematou a sesión e con moita paciencia e cariño foi firmando cada un dos nosos libros dunha maneira personalizada, facéndonos unha rima co noso nome, interesándose polas nosas afeccións ou incluíndo a dedicatoria nun caligrama.

DESPEDIDA DE BORJA

Non foi unha despedida e si un "ata pronto". Borja, o noso querido compañeiro,  márchase a vivir a Madrid, nada máis e nada menos. 

   O principio foi un sock ..., pero despois a profe explicounos que no se ía para sempre, que Borja seguía sendo de Bueu e que o próximo mes de xullo ía volver de vacacións. 
   Unha vez superada a primeira impresión empezamos a argallar unha festa de despedida ás agachadas de el. Cada un de nós preparamos unhas cartas nas que lle deciamos por que o iamos botar de menos   ou por que o queriamos tanto ou por que nos gustaba estar con el. 
   Saíron verdadeiras poesías destes papeis. Declaracións sinceiras de amizade, cariño, respecto, admiración a quen, por unanimidade, consideramos, ante todo, unha boa persoíña.

 Pasamos uns momentos moi emotivos mentres se lían as mensaxes. Non houbo bágoas e si moitos sorrisos, bicos e apertas.

   
   Borja botarémoste de menos. Os teus compañeiros e compañeiras e todos os profes desexámoste ...

SORTE AMIGO!

CORRELINGUA 2013

O pasado venres 10 de maio celebrouse en Bueu o 4º Correlingua no Morrazo. Foi todo un record de participación pois cerca de 1800 nenos e nenas dos diferentes colexios da comarca encheron as rúas da nosa Vila. Foi verdaderamente emocionante ver a Praza Masso chea de rapaces e rapazas cantando e bailando ao ritmo Luís Prego e a súa banda.

O alumnado de 2º ciclo acudimos, acompañados da totalidade do centro, vestidos todos cunha camiseta que previamente decoramos cunha palabra relacionada cos tecnoloxía e a ciencia. Así nas nosas costas podíase ler vocablos como: "lavalouzas, rato, altofalante, cataventos, rede, desparafusador, espremedor, ...

Recorrimos as rúas de Bueu, mentres os máis pequeniños quedaban na praza realizando diferentes xogos.

FOI UN DÍA FANTÁSTICO

VISITANDO CABO UDRA

 

O pasado mércores 24 de abril tivemos unha saída, fomos visitar Cabo Udra. Ao chegar alí recibíronnos os nosos guías, Anxo e Miguel. Dividímonos en dous grupos, os nenos e nenas de 3º estiveron con Anxo e os de 4º con Miguel. Ambos grupos estivemos marabillados con todas as curiosidades que nos explicaban. A Miguel encantáballe coller pequenos animais que aproveitaba para explicarnos algunha característica. Colleu un sapiño, un tritón... ademais de falarnos da extensa e variada vexetación de Cabo Udra.

Disfrutamos do entorno merendando ao lado da Aula da Natureza, despois visitamos o centro e realizamos unha sinxela actividade sobre todo o que aprendimos.

Unha vez rematada a visita guiada, puidemos disfrutar media hora de xogo libre, xogamos coa corda, co balón, tirámonos na herba...pasámolo xenial! 

Por suposto, non nos podemos esquecer da aventura de saltar os charcos, o monte é así, e mancharnos forma parte do seu encanto.  ;)

Moitas grazas Anxo e Miguel por compartir con nós ese día.  Ata outra amigos! 

 

ALICE IN WONDERLAND

Estase xa a convertir nun clásico que o alumnado do CEIP PLURILINGÜE A PEDRA acuda cada ano a ver unha obra de teatro en inglés, e este non podía ser menos. O pasado mércores, 17 de abril os nenos e nenas do 2º  e 3º ciclo volveron ao auditorio de Os Salesianos de Vigo para  ver "Alice in Wonderland". 
Foi unha xornada divertida na que os nenos e nenas puideron comprobar os avances na apredizaxe desta lingua estranxeira que tanta presenza ten no noso centro plurilingüe.
Despois de presenciar a obra puideron facerlle preguntas aos actores. O alumnado do  centro participou no diálogo activamente.

ALMORZOS SAUDABLES

A semana previa ás vacacións de Pascua foron as escollidas polo colexio para levar a cabo os ALMORZOS SAUDABLES para todos o alumnado de primaria. Aos nenos e nenas do 2º ciclo tocounos o luns e o xoves. 
- Na primeira xornada puidemos saborear un ALMORZO MEDITERRÁNEO composto por froita, leite con cacao e tostada de pan con aceite de oliva,  xamón serrano e tomate.
- Na segunda xornada probamos un ALMORZO INGLÉS,  no que destacou o revolto de ovos con xamón cocido. leite con cacao e froita.
Aproveitouse a ocasión para lembrar a importancia dunha alimentación equilibrada na que todos os nutrientes teñen que ter cabida na súa xusta medida.
Polo xeral os resultados foron positivos, a maioría dos nenos comeron todo o que se lles propuso. Pero ... sempre hai excepcións!! e a algúns e algunhas lles costou máis probar novos sabores.
Agradacemento ás nais que tiveron a ben vir botar unha man pois serville a cerca de 80 nenos e nenas non foi tarefa doada.

PAMELA PANAMÁ

O longo do segundo trimestre estivemos traballando os libros de Violeta Monreal no segundo ciclo de primaria. Os alumnos e alumnas de 4ºA e 4ºB elaboramos un libro e un dado cos diferentes personaxes do libro, a técnica que empregamos foi o collage. Quedaron uns traballos preciosos e moi orixinais, grazas pola vosa colaboración.

Aquí podedes ver o dado e o libro feitos tras ler o libro "Pamala Panamá y el hechizo final"

Powered by Issuu

Publish for Free

ECOSISTEMAS

Os alumnos e alumnas de 4ºA e 4ºB fixeron uns ecosistemas coa técnica do collage moi bonitos. Son uns verdadeiro artistas, aquí tendes o resultado!!
Moitas grazas familias pola vosa colaboración. Así da gusto traballar...

 

LEMBRANDO A ROSALÍA DE CASTRO

LEMBRANDO A ROSALÍA DE CASTRO

O 24 de febreiro está recollido oficialmente como Día de Rosalía de Castro pola Consellería de Cultura e Educación no seu Calendario do Libro e da Lectura. 

Este ano ten unha especial relevancia ao se cumpriren 150 da publicación de Cantares Gallegos, o primeiro libro íntegro monolingüe do renacemento da nosa literatura culta. 

Dende o noso cole tamén queremos contribuír a esa homenaxe  á nosa gran poeta que trascende de maneira universal ao longo dos tempos.  

Dende os Equipos de Dinamización e Biblioteca propoñen que cada grupo-clase escolla un poema do libro CANTARES GALLEGOS de Rosalía de Castro e o aprenda de memoria para despois recitalo.

Pois ben, ao longo da semana todos os alumnos e alumnas do 2º ciclo estiveron traballando nos poemas seleccionados. Este é o resultado de tanto traballo. Tivémolo que repetir moitas veces, pero mereceu a pena. Esperamos que vos gusten!
 

Visita a Pontevedra

O mércores 27 de febreiro fomos de excursión a Pontevedra. Quixemos aproveitar a mañán visitando esa fermosa cidade, pero fixémolo dunha maneira especial, xa que contamos coa inestimable colaboración de Raquel, a guía turística de Pontevedra. Grazas a ela descubrimos moitísimas curiosidades de hai moitos anos, os nomes orixinais das rúas, a xente que traballaba en cada unha das prazas, nomes de familias con moita influencia naquela época, personaxes famosos como Valle - Inclán...e así durante case unha hora e media. Despedimos a Raquel na Praza da Ferrería, onde puidemos merendar antes de marchar para o Centro Social Caixanova para ver a obra de teatro "Malas Palabras". A obra de teatro en xeral gustou moito, foi moi emotiva e divertida. E así foi a nosa mañán en Pontevedra, a pesar de ser unha mañá moi fría pasámolo moi ben porque todo o que sexa sair da rutina das aulas a todos nos gosta. Ata a próxima!

ENTROIDO 2013

Non era difícil de adiviñar. Este ano todo o alumnado do colexio A Pedra disfrazámonos dos diferentes personaxes de conto como parte do Proxecto de Contos Clásicos que se ven realizando dende o comezo do curso.  

  Así, o pasado 8 de febreiro, as rúas de Bueu enchéronse de Porquiños, Pinochos, Gepettos,  Peter Pans, Campaíñas, Brancaneves, Ananiños, Madrastas, Príncipes, Cartas, Alicias, Coelliños, Raíñas de Corazóns, Sombrereiros Tolos, ...

 Durante toda a semana previa ao desfile o colexio estivemos vivindo o entroido con sinais como.

• O luns pispireto píntate o careto.
• O martes atrevido un gorro divertido.
• O mécores saboroso algo no pescozo
• O xoves do revés trae algo nos pes.

No segundo ciclo preparamos a nosa canción de comparsa

AI HO ! DE "A PEDRA"

Sumar, sumar

restar, multiplicar 

e dividir,

xa estamos 

máis que fartos

de ler e de escribir.

Quen fale máis

castigado estás.

Se non o fas 

ao recreo non vas.

A CALAR!

SENTA BEN!

SEMPRE IGUALLLLLLLLL!

TRABALLARRRRR!

OUTRA BRONCA MÁÁÁÁÁÁÁIS!

Sumar, sumar

restar, multiplicar 

e dividir,

xa estamos 

máis que fartos

de ler e de escribir.

Pingueiras hai no pavillón
no patio pozas un millón
e sen saber `por que razón
vimos con ilusión

AI HO!

AI HO!

AI HO!

Chegou, chegou

a hora de descansar

na na na na

na na na 

ai ho, ai ho

ai ho, ai ho

a casa xa me vou.

(Silbidos)