VENRES FANTÁSTICO

O venres 17 de febreiro, ao entrar no cole, comezamos cunha charla sobre as avispas asiáticas. Explicáronnos como diferencialas da nosa avispa, a europea.  Ao rematar amosounos como facer unha trampa cunha botella de plástico para conseguir atrapalas.

Despois tivemos outra charla sobre  " A compostaxe" e sobre a importancia de coidar o noso planeta, reducindo os residuos que xeramos nas nosas casas a diario.

A compostaxe? Pois, é fabricar un abono natural, chamado compos, mesturando os residuos orgánicos ( restos de comida...) con materia marrón ( restos de madeira, papel...).
Son os microorganismos, miñoca, colémbolos, ... os encargados de descompoñer a materia orgánica que hai no composteiro.

Pareceunos curioso, que neste proceso o compos estea quente, o que indica que se están a eliminar os microorganismos patóxenos.

Aprendemos que: " Se reciclamos aforramos auga, electricidade e enerxía en xeral" e que "Todos podemos aportar o noso graniño de area para coidar o noso planeta".

Para rematar o día, os nenos e nenas de 3º estiveron vendo parte da peli  "Harry Potter" cos seus titores de 5º. Gozaron moito coñecendo mellor aos personaxes dos que irán este ano disfrazados.

E este venres seguimos coa troula!! Entroidooooo