Só había dous días que viñera An alfaya ao Bibliocastelo e o pasado xoves, mentres o alumnado de cuarto recibía a visita de Francisco Calo Lourido, os nenos e nenas de terceiro gozábams da presenza de ANTONIO GARCÍA TEIJEIRO.
Tiñámoslle preparado este precioso mural e el amosouse encantado. Estaba formado polos nosos poemas preferidos e por palabras fermosas atopadas no poemario:
Ollade e escoitade estes vídeos:
Tamén nos fixo cantar! Bueno, máis ben foi Maaaartiño, unha marioneta que tivemos a sorte de coñecer.
Antonio contounos que o amor ao mar e a poesía vén da admiración que sempre sintiu por Rafael Alberti e polos poemas de MARINERO EN TERRA.
Falando e falando, contounos que o primeiro poema que compuxo o fixo mentres estaba dando unha clase a nenos e nenas da nosa idade. Este poema está recollido nunha antoloxía dos deus poemas e así de fermoso:
Tres pombas chegaron cansas,
tristeiras preto dun neno.
O neno deulles un beixo;
as pombas non se moveron.
O neno con aloumiños
deixounas case no ceo.
O neno de brancas mans,
as pombas non esqueceron.
Ao final da sesión, Teijeiro asinounos amablemente os exemplares do libro:
Un auténtico pracer recibirte no noso Bibliocastelo!
No hay comentarios:
Publicar un comentario